ФАКТОР НА ДЕНОТ: Поплави во Словенија, излевања има и во Хрватска, а утре невреме се очекува и во Македонија
Објавено во: Македонија 04 Август, 2023
НЕВРЕМЕ ВО СЛОВЕНИЈА И ХРВАТСКА
Во Цеље е евакуиран целиот стар град поради поплавите. Поради надојдената Савиња, евакуирани се жители на одредени делови на градот од двата брега на реката.
Во невремето во Словенија еден човек се удавил, а двајца Холанѓани загинале од удар на гром. Еден Словенец загина во областа Камник, а двајца Холанѓани во планините во околината на Крањ.Се урна мост во Словенија, а автомобилот запре во последен момент.
МНР ГИ ПОВИКА ГРАЃАНИТЕ ДА ЈА НАПУШТАТ СЛОВЕНИЈА
Македонското Министерство за надворешни работи (МНР) ги повика Македонците кои се во Словенија да ги напуштат загрозените подрачја.
Поради големото невреме во Словенија, затворени се бројни патишта и автопатишта низ целата земја.
„Исто така ги повикаме граѓаните кои планираат да патуваат во Словенија или транзитираат преку неа, да проверат кои патишта се слободни“, се вели во соопштението на МНР.
Од Министерството информираат дека доколку има граѓани во погодените региони и имаат потреба од помош да ја контактираат Амбасадата на Северна Македонија во Љубљана, на следните телефонски броеви: +386 1 421 00 21; +386 41 544 222 или на следната е-маил адреса ljubljana@mfa.gov.mk.ПОЖАР КАЈ СЛУПЧАНЕ
Пожар попладнево избувнал кај липковското село Слупчане. Горат трева и грмушки.
Како што објави Центарот за управување со кризи (ЦУК), пожарот во липковско е на линија Слупчане – Ваксинце во насока кон Алашевце. Линијата на огнот е подолга од 300 метри.
Во близина на пожарот има борова шума и прават напори да се спречи ширење во таа насока.ЧИТАЈТЕ УШТЕ