ФАКТОР НА ДЕНОТ: Протестираа мајките, но и ВМРО-ДПМНЕ со барање за оставка на РКЕ

Добивај вести на Viber

МАЈКИТЕ БАРААТ ДА ПРОДОЛЖИ ПОРОДИЛНОТО 

На протест пред Владата попладнево излегоа мајките на деца до шестгодишна возраст и оние кои се на породилно отсуство. 

Тие се револтирани од одлуката да им се прекине породилното отсуство и да се вратат на работа. 

Носат транспаренти на кои пишува „Дали вашите деца ќе ги пуштите во градинка?, Вашите деца не се поважни од нашите?, За нашите деца ги спремавте монтажните болници?, Комисијата за заразни болести не ви е валидна?“. 

Тие бараат да се поништи одлуката на Владата со која што на 23-ти септември тие ќе треба да се вратат на работа. 

Бараат породилното отсуство да биде продолжено до крајот на годината, затоа што во градинките нема место и воопшто не можат да ги запишат нивните деца.

Досега петицијата ја потпишале 3.325 мајки.

ВМРО-ДПМНЕ БАРА ОСТАВКА ОД РКЕ

Oд ВМРО-ДПМНЕ ќе побараат надзорна расправа во Собранието за поскапувањето на струјата и оставка од Регулаторната комисија.

Генералниот секретар на ВМРО-ДПМНЕ Игор Јанушев вечерва од протестот порача дека поскапувањето на струјата ќе ги осиромаши граѓаните и дека Регулаторна не е како што вели, никакво експертско тело туку продолжена рака на премиерот Зоран Заев.

„Регулаторната комисија е обична маша во рацете на Заев“, кажа Јанушев. Овој протест против поскапувањето на струјата ВМРО-ДПМНЕ го организираше со автомобили кои во три колони се движеа од салата „Борис Трајковски“ преку булеварот Партизански одреди до седиштето на Регулаторната комисија.

ДОЈАВА ЗА БОМБА ВО СКОПЈЕ

Вистинска драма се случуваше попладнево во Скопје. 

Полицијата  попладнево добила повик преку кој е дојавено дека на булеварот Партизански одреди има бомба.

Сообраќајот низ центарот на градот е отежнат, а забележливо е и зголемено полициско присуство.

ПРЕТЕПАН ПАЛЕВСКИ

Денеска околу 17:15 часот пријавено е дека на улицата Златко Шнајдер,  две лица кои биле на мотоцикл со употреба на метален предмет го нападнале нападнат Љ.П. Се работи на расчистување на случајот“, информираат од полицијата. 

СЕДУМ ПОЧИНАТИ ОД КОРОНАВИРУСОТ

Нови 186 заболени со Ковид - 19 во последното деноноќие регистрира Министерството за здравство. Биле направени 1.674 тестирања, а во овие 24 часа повторно има голем број починати. Битката со вирусот ја изгубиле седум луѓе - еден пациент од Куманово кој имал 53 години, двајца пациенти од Струга едниот 68, другиот 70 години, еден од Гостивар кој имал 61 години и тројца пациенти од Делчево на 43, 60 и 78 години. Сите пациенти се починати во болнички услови. 

Од новорегистрираните најмногу се од Скопје - 56 случаи, следува Гостивар со 18 новозаболени па Кочани со 17. Во овој град на истокот очигледно епидемијата збувнува повторно. Во Куманово-16, Штип-8, Прилеп-7, Тетово-10, Струга-6, Велес-1, Битола-6, Охрид-2, Кавадарци-4, Гевгелија-5, Струмица-12, Крива Паланка-3, Радовиш-2, Пробиштип-1, Македонски Брод-1, Валандово-1, Делчево -4, Свети Николе-2, Кичево-3, Ресен-1.

ОСМАНИ НЕ ОЧЕКУВА БЛОКАДА ОД БУГАРИЈА

Бугарија веќе даде унилатерална забелешка, но го одобри и отпочнувањето на преговорите на нашата земја со ЕУ.  Не треба да наметнуваме негативна динамика на притисоци. Кога паѓа комуникацијата, се јавуваат предрасуди. Сега е добар момент да се воспостави интензивна комуникација“, рече министерот за надворешни работи Бујар Османи, одговарајќи денеска на прашањето како Македонија ќе реагира по објавувањето на содржината на Меморандумот кој што Бугарија го испратила до земјите-членки на ЕУ а во кој има забелешки за јазичниот и националниот идентитет.

ЧИТАЈТЕ УШТЕ

Дали ќе има нов ребаланс на буџетот Владата се уште анализира и тоа ќе се знае на крајот на месецов. Ќе зависи од финансиската тежина на четвртиот сет нови мерки за закрепнување на економијата и за помош на граѓаните.

Со неколку конкретни иницијативи ќе настапат бизнисмените пред министерот за финансии Фатмир Бесими - утре на средба во Стопанската комора претставници на реалниот сектор ќе му ги кажат на првиот финансиер сите нивни барања.

Одлични вести за имателите на акции на „Алкалоид“. Акцијата злато вреди и треба да се чува затоа што генерира и ќе продолжи да создава профити. 

Првиот човек на Регулаторната комисија за енергетика, Марко Бислимовски, информира дека РКЕ ќе им даде целосна поддршка на синдикатите и невладините, да се изборат за можноста субвенциите за енергетска сиромаштија да се прошират и да ги добиваат поголем број ранливи категории граѓани, односно покрај социјалните случаи, и оние кои се погодени од ковид кризата.