ФАКТОР НА ДЕНОТ: Прв ден без полициски час, и нови три жртви од коронавирусот

Добивај вести на Viber

ОД ДЕНЕС НЕМА ПОЛИЦИСКИ ЧАС

Владата ги усвои препораките на Комисијата за заразни болести, па така од денеска веќе не е на сила полицискиот час, беше воведен во изминатите два месеца со цел спречување на ширењето на крона вирусот во земјава.

Согласно препораките на Комисијата, кафулињата ќе отворат од утре, но се уште е неизвесно кога земјава ќе ги отвори границите. Како што беше наведено на прес конференцијата, земјите од соседството ќе направат заедничка оценка кога да се пристапи кон овој чекор.

НОВИ ТРИ ЖРТВИ НА КОВИД - 19

Денеска Институтот за јавно здравје регистрира 17 оздравени пациенти. Во последното деноноќие има 25 нови случаи на Ковид-19 и тројца починати, информира Министерството за здравство.

На Клиниката за инфективни болести и фебрилни состојби почина пациент од Струга кој имал 58 години и пациент од Скопје - 47 години и двајцата долго време поставени на механичка вентилација. Во ГОБ „8 септември“ почина пациентл од Тетово на 41 години хоспитализиран на 19 мај.

Во последните 24 часа направени се 622 тестирања, а новите случаи се најмногу од Скопје - 14

Досега во земјата се направени вкупно 26463 тестирања на ковид-19. Од вкупниот број направени тестови во изминатото деноноќие 251 тест е во рамките на скринингот во градинки и геронтолошки установи. Тестирањата се направени преку Центрите за јавно здравје во Кочани, Куманово и Скопје, а регистриран е еден позитивен случај во геронтолошка установа во Скопје. 

РЕИСОТ СУЛЕЈМАН РЕЏЕПИ Е РАЗРЕШЕН

Со двотретинско мнозинство донесена е одлука за разрешување на Реисот Реџепи од функцијата.

„Едногласно донесеовме одлука за разрешување на госпидин Сулејман Ефенди Реџепи од позицијата Рејс Ул Улема претседател на Исламска верска заедница“, изјави Ефенди Шаќир Фетаху.

Речиси очекувано, пратеникот Мухамед Зекири реагираше радосно на веста за разрешувањето на реисот Реџепи од функцијата.

Наша претпоставка е дека неговиот последен пост се однесува на човекот со кој Зекири беше во долгогодишна вербална војна.

„Алах да не ги одзема душите на изрезилените без да им ги земе лицата !!!“, напиша Зекири на својот профил на фејсбук.

ВО КОНФЕКЦИЈА ВО ШТИП УШТЕ ЗАРАЗЕНИ

Уште четворица вработени во штипската конфекциска фабрика Ти Стајл се позитивни на корона вирусот, а се чекаат резултати на уште неколкумина работници, потврди за Фактор, градоначалникот Благој Бочварски. Еден од тестираните е негативен на Ковид-19, вели тој, нагласувајќи дека градот ги презема сите мерки за безбедност и заштита од инфекцијата. 

Бочварски се надева дека и по укинувањето на полицискиот час, граѓаните ќе останат дисциплинирани и совесни.

ЧИТАЈТЕ УШТЕ

Сет економски мерки за да не се стави клуч на врата на ординациите бараат и матичните лекари, кои преку Здружението на лекари по општа и семејна медицина писмено се обратија до властите во земјава. 

Со рекордно ниски камати и со многу поволни услови банките во земјава нудат станбени кредити.

Несоодветни планирања и високи трошоци за адвокатски услуги, огромни трошоци за гориво за службените возила, за дури над 50 отсто повеќе од потребите, но и неискористен кредит Европската банка за обнова и развој, кој ако се реализирал за намените за кои бил даден, ќе можела да се обезбеди и поголема безбедност на авионскиот сообраќај, но и повеќе приходи. 

Над 120.000 граѓани кои имале кредити во НЛБ Банка ја прифатиле понудата да не ги враќаат кредитните рати во период од шест месеци согласно понудата на банката, а тоа го сториле уште 703 фирми кои вработуваат околу 30.000 лица.

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Македонија се задолжи на меѓународниот пазар преку  еврообврзница вредна седумстотини милиони евра. 

Во Македонија пред да почне корона кризата, се случуваше работници да ги напуштат своите сигурни работни места со цел да заминат во странство и да работат физичка работа која е поплатена.