ФАКТОР НА ДЕНОТ: Расте бројот на заболени, кај заразените кои се вратија од Занзибар е откриен британскиот сој

Добивај вести на Viber

РАСТЕ БРОЈОТ НА ЗАРАЗЕНИ СО КОРОНАВИРУСОТ

Според неделниот извештај на Институтот за јавно здравје во периодот од 22 до 28 февруари 2021, тестирани се вкупно 20.161 материјал во лабораториите во кои се спроведува молекуларно тестирање и антигенско тестирање за присуство на SARS-CoV-2, или 27,2 отсто повеќе во однос на минатата недела. Регистрирани сe 3.628 нови позитивни случаи од 32 градови во државата со зголемување од 56,4 отсто во однос на минатата недела. 

Најголем дел од регистрираните случаи се од Скопје (n=1.675; 46,2%), со неделна инциденца – 271,2/100.000. Највисока неделна инциденца од 681,1/100.000 е регистрирана во Неготино и Кавадарци (641,4/100.000)

Процентот на позитивност се движи од 12,0 до 21,7 отсто, просечно 17,9 отсто.

ДЕНЕС ИМА НАД 700 ЗАРАЗЕНИ

Министерството за здравство информира, согласно податоците од Институтот за јавно здравје дека во последните 24 часа се направени 3.323 тестирања, а регистрирани се 721 нови случаи на ковид-19 во: Скопје – 357, Прилеп – 72, Кавадарци и Гевгелија – по 42, Неготино – 30, Охрид – 26, Велес – 20, Гостивар – 18, Куманово – 17, Битола – 16, Кочани – 12, Крушево – 10, Струга – 8, Штип и Богданци – по 7, Крива Паланка – 5, Кичево, Ресен и Валандово – по 4, Тетово и Виница – по 3, Струмица, Делчево, Демир Капија и Пехчево – по 2, Свети Николе, Радовиш, Пробиштип, Кратово, Македонска Каменица и Дојран – по 1.

Регистрирани се 1.753 оздравени пациенти од: Скопје – 750, Делчево – 120, Охрид – 97, Кавадарци – 85, Тетово – 80, Велес – 74, Струмица – 64, Гостивар – 57, Прилеп – 51, Битола – 42, Куманово и Кичево – по 38, Струга – 35, Штип - 25, Гевгелија, Ресен и Дебар – по 22, Крушево – 19, Неготино, Кочани и Демир Капија – по 15, Радовиш – 14, Крива Паланка – 12, Виница и Свети Николе – по 8, Богданци - 6, Македонски Брод – 4, Кратово – 3, Валандово, Пехчево, Пробиштип, Македонска Каменица и Берово – по 2, Дојран и Демир Хисар – по 1.

КАЈ ЗАРАЗЕНИТЕ КОИ СЕ ВРАТИЈА ОД ЗАНЗИБАР Е ОТКРИЕН БРИТАНСКИОТ СОЈ

Министерството за здравство информира дека според анализите што денеска ги направи МАНУ на брисот од другиот пациент кој пред неколку дена се врати од Занзибар, детектирано е присуство на британскиот сој на вирусот СарсКов2.

И во првиот случај резултатот беше ист. Maкедонски граѓани оделе на одмор во Занзибар затоа што за патување не е потребен негативен ПЦР тест. 

Фајзер објави загрижувачки резултати минатата недела - лабораториска студија покажа дека јужноафриканскиот сој може да ја намали заштитата обезбедена од антитела развиени по приемот на вакцината за две третини.

ВАКЦИНИТЕ НА ФАЈЗЕР ЌЕ СТИГНАТ ПРИ КРАЈОТ НА МАРТ

Премиерот Зоран Заев вели дека како Влада направиле и повеќе од доволно за вакцините, но причина што ги нема е што тие недостигаат во целиот свет.

БГНЕС ЈА ОБЈАВИ АДРЕСАТА НА КОЈА „ЖИВЕАТ“ МАКЕДОНЦИТЕ СО БУГАРСКИ ПАСОШИ

На една адреса во Бугарија се водат 45.752 имиња со место на живеење, а нивниот список се простира на 1.000 страници, објави денес БГНЕС.

Адресата на живеење се наоѓа во округот Средец во центарот на Софија. Фотографијата со гласачкиот список од овие имиња ја објави општинскиот градоначалник Трајчо Трајков пред одржувањето на парламентарните избори во Бугарија.

ЧИТАЈТЕ УШТЕ

Се поместува старосната граница на која жените се реализираат како мајки.  Бројките на Евростат покажуваат дека во Европа жените сѐ подоцна го раѓаат своето право дете.

Здравствените власти најавија дека доколку расте бројот и понатаму, можно е заострување на рестриктивните мерки, а Комисијата за заразни болести веќе предложи задолжителен домашен карантин од 14 дена за лица кои доаѓаат од сите африкански земји.

Управата за јавни приходи се уште исплаќа пари од повратот на Данокот на додадена вредност (ДДВ) за граѓаните кои скенирале сметки за последните три месеци од минатата година. Иако исплатата почна на почетокот на февруари има граѓани кои не го добиле повратот за МојДДВ реагираат дека доцнењето овој пат е речиси еден месец и прашуваат дали има некаков проблем.

Хирургот Ѓорѓи Јота кој беше прегазен од страна на 16-годишно момче и кој поради тешките повреди на мозокот веднаш беше хоспитализиран на Клиниката за анестезија, реанимација и интензивно лекување-КАРИЛ, веќе е во подобра здравствена состојба.

Советот на Народната банка донел одлука за издавање на банкноти од 100 и од 2.000 денри со изменети белези, односно со додавање на Северна во името на Народна банка кое стои на банкнотата. Овие две одлуки вчера беа објавени во Службен весник.