ФАКТОР НА ДЕНОТ: Се укинува полицискиот час, а кафулињата ќе работат од четврток

Добивај вести на Viber

ОД УТРЕ СЕ УКИНУВА ПОЛИЦИСКИОТ ЧАС

Премиерот Оливер Спасовски попладнево на прес - конференција изјави дека Владата донела одлука од утре да не важи полицискиот час. 

Ден подоцна ќе работат угостителските објекти, со утврден протокол 

Од 1 јуни ќе престане да важи одлуката за одредени категории граѓани да се ослободуваат од работа. 

Државниот карантин ќе се замени со домашна изолација за македонските државјани кои ќе допатуваат од странство. 

Комисијата за заразни болести треба да направи проценка за отворањето на државните граници. 

„Ова го правиме во координација со државите од регионот“, вели Спасовски. 

Комисијата ќе треба да подготви протокол за работата на хотелите. 

„Состојбата со коронавирусот е под контрола, а бројот на активни е стабилен“, рече премиерот. 

И ПОНАТАМУ ЌЕ МОРА ДА СЕ НОСАТ МАСКИ И ДА СЕ ВНИМАВА НА ДИСТАНЦА

Министерот за здравство, Венко Филипче изјави дека по 3 месеци откако се појави првиот случај на Ковид -19 во земјава, сега сме на раскрсница што понатаму. 

Филипче вели дека дел од граѓаните се дисциплинирани, но има и граѓани кои не ги почитуваат мерките, а не ни веруваат во постоењето на вирусот. 

„Ние со овие мерки продолжуваме понатаму, и тоа е клучот со кој животот ќе го вратиме во нормала. Сакам да кажам дела сме целосно подготвени да се носиме со ситуацијата“, наведе министерот. 

Д-р Жарко Караџовски од Институтот за јавно здравје изјави дека за 14 дена имаат од 10 до 40 регистрирани случаи, односно во просек 24. 

Вели дека она што треба да се каже е дека имаме 113 смртни случаи, но во последните 14 дена смртноста е намалена. 

„Еден од факторите што не натера да размислуваме за олабавување на овие мерки во прва, втора фаза, е намалениот морталитет којшто ги следи светските и европските трендови“, вели тој. 

Додаде дека ќе има скрининг на населнието, односно ќе бидат направени 10.000 тестови кои ќе ги опфатат лекарите, таксистите, вработените во АРМ. 

ДЕНЕС ИМА 3 ПОЧИНАТИ, И НОВИ 16 ПОЗИТИВНИ НА КОРОНАВИРУСОТ

Министерот за здравство Венко Филипче информира дека денеска починале тројца пациенти од корона вирусот. Во неговата објава на Фејсбук, Филипче наведува дека на Клиниката за инфективни болести починала пациентка од Велес (78г), хоспитализирана на 14 мај, во ГОБ „8 септември“ починал пациент од Тетово (84г), примен во болница на 20 мај и пациентка од Скопје (76г) примена на 19 мај.

Истовремено, како што пишува министерот, денеска Институтот за јавно здравје регистрирал 14 оздравени пациенти, од Скопје тројца и од Тетово 11пациенти, но, во последните 24 часа од направените 314 тестирања, регистриранисе 16 нови случаи на ковид-19.

ЧИТАЈТЕ УШТЕ

Иако постоела волја кај фирмите место да платат данок на добивка, да донираат 10 милиони евра за спортот, тоа не се остварило целосно поради лимитот од 6 милиони евра кој за 2019 го дозволи државата.

Младите Македонци живеат во заедница и во премали домови.

Македонија има своја силна силиконска долина. Индустријата на компјутерстко програмирање е бизнис сектор со кој Македонија треба да се гордее. 

Познати светски економисти излегоа со свои видувања за економската криза предизвикана од коронавирусот и помеѓу нив во основа има консензус дека падот на економската активност ќе биде стрмен, што е очевидно.

Иновативниот уред IQOS (ајкос) кој направи револуција во тутунската индустрија од денеска е во продажба во Македонија.