ФАКТОР НА ДЕНОТ: Србија ни донираше уште 40.000 вакцини, денес имаме над 1.400 заразени

Добивај вести на Viber

СРБИЈА ДОНИРАШЕ УШТЕ ВАКЦИНИ ЗА МАКЕДОНИЈА

Во Македонија денеска пристигна втората донација од Србија. Премиерот Зоран Заев информираше дека станува збор за два пати по 20.000 дози од вакцината Спутник V, при што изрази огромна благодарност до претседателот на Србија, Александар Вучиќ, и останатиот државен врв. 

Рече дека со ваквиот благороден пријателски гест на соседна Србија ќе може непречено во Македонија да продолжи вакцинацијата чиј старт беше вчера. Истовремено, Заев апелираше граѓаните масовно да се пријават за вакцинација, бидејќи единствениот излез од пандемијата е само доколку има огромен број вакцинирани.

– Подготвена е салата „Борис Трајковски“, подготвени се вакциналните пунктови во сите градови и продолжуваме со масовна вакцинација – рече Заев.

ДЕНЕС ИМАМЕ НАД 1.400 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје:

Во последните 24 часа се направени 3.978 тестирања, а регистрирани се 1.402 нови случаи на КОВИД-19 во:

Скопје – 603, Битола – 105, Куманово – 84, Велес – 82, Прилеп – 70, Струмица – 52, Охрид – 46, Кавадарци - 40, Штип – 36, Гевгелија – 32, Тетово и Гостивар – по 28, Кочани – 23, Кичево – 21, Струга – 20, Неготино - 16, Ресен – 14, Свети Николе – 13, Радовиш и Виница – по 11, Крива Паланка и Валандово – по 10, Пробиштип – 8, Берово и Македонски Брод – по 7, Демир Капија – 5, Делчево, Кратово, Демир Хисар и Македонска Каменица – по 3, Крушево, Пехчево и Богданци – по 2, Дебар и Дојран – по 1.

Регистрирани се 761 оздравен пациент од:

Скопје – 388, Прилеп – 51, Битола – 45, Кавадарци – 37, Гостивар – 28, Тетово – 27, Куманово – 26, Велес – 24, Штип и Неготино – по 19, Гевгелија – 18, Струмица – 13, Ресен – 9, Берово – 8, Пробиштип – 7, Кочани – 6, Кичево, Крива Паланка и Свети Николе – по 5, Радовиш и Демир Капија – по 4, Валандово и Крушево – по 3, Кратово, Демир Хисар и Богданци – по 2, Дојран – 1.

КРИВИЧНА ЗА ДИРЕКТОРОТ ВО КИЧЕВО КОЈ ИСТАКНА ТАБЛА СО „РЕПУБЛИКА АЛБАНИЈА“

Министерството за внатрешни работи објави дека против директорот на Центарот за култура во Кичево, Мазлам Османи,е поднесена кривична пријава откако во јавноста беше обелоденет случајот дека во оваа установа поставена е информативна табла со назив „Република Албанија“.

Функционерот е под сомнение за сторено кривично дело „повреда на угледот на Република Северна Македонија“.

КОВАЧЕВ СО ШЕГА ЗА 1 АПРИЛ

Бугарскиот европратеник Андреј Ковачев саркастично објави првоаприлски пост во кој наведува дека двајцата лидери на двете најголеми политички партии - Зоран Заев и христијан Мицкоски на својата последна средба договориле признавање на Цар Самуил како Бугарин.

ПОПИСОТ НЕ ПОЧНА, СОБРАНИЕТО Е НА ПОТЕГ

Државниот завод за статистика соопшти дека нема да почне на терен со активности за пописот, кој требаше да стартува од денеска.

„Со оглед на новонастанатата ситуација во врска со Пописот 2021, а во согласност со Законот за Попис на населението, домаќинствата и становите во Република Северна Македонија, 2021, до завршувањето на постапката во Собранието на РСМ што се очекува многу брзо, Државниот завод за статистика нема да ги отпочне пописните активности на терен“, соопштија од ДЗС.

ЧИТАЈТЕ УШТЕ

Откако почна пандемијата на коронавирусот, армија луѓе во земјава останаа без работа, а зголемен е и бројот на корисници на социјална помош.

Цементарница „Усје“ е исклучок од правилото за негативното влијание на корона кризата врз бизнисот. Друштвото лани направило профит од 24,7 милиони евра и тоа е за 20 отсто подобар резултат на приходи кои се исти како и во 2019 година. Цементарница лани имаше извоз на девизи во форма на дивиденда во вредност од речиси 40 милиони евра

Во низата лоши вести, долга пандемија, недостиг од вакцини, економска криза, Македонија се најде во светски извештај по добра работа.

Нема правда за работниците од приватниот сектор во однос на оние од администрацијата, па дури ни во поглед на боледувањата.

Заев како премиер и Мицкоски како лидер на опозицијата за првпат по подолго време ги тргнат настрана суетите и излегоа од вкопаните партиски ровови.