ФАКТОР НА ДЕНОТ: Уапсен Папазов и неговите претходници

Добивај вести на Viber

УАПСЕН Е ЉУПЧО ПАПАЗОВ И НЕГОВИТЕ ПРЕТХОДНИЦИ

Николчо Илиев, Ратко Димитровски и Љупчо Папазов, сите поранешни градоначалници на Општина Кочани, се приведени попладнево, потврдуваат од МВР за Курир.

Од Обвинителството информираат дека во тек е акција на полициски екипи по наредба на Основното јавно обвинителство Кочани, а во врска со постапката за пожарот во клубот „Пулс”.

ПОГРЕБАНИ ЗАГИНАТИТЕ ВО ПОЖАРОТ ВО ДИСКОТЕКАТА

Во Кочани денеска се погребани триесет и едно лице од 59, колку што загинаа во пожарот во дискотеката „Пулс“ во неделата рано наутро. Останатите жртви беа погребани во Скопје, Штип и Облешево. 

Погребната церемонија во Кочани започна напладне, а со неа чиноначалствуваше поглаварот на Македонската православна Црква -Охридска архиепископија г.г. Стефан. Церемонијата на давање последна почит се одржа по посебни протоколи. 

ПОВРЕДЕНИ ПРЕФРЛЕНИ НА ЛЕКУВАЊЕ ВО ТУРЦИЈА И ШПАНИЈА

Седум повредени од пожарот во Кочани се транспортирани во Шпанија.

Амбасадата на Кралството Шпанија во земјава објави дека седум повредени во пожарот во дискотеката во Кочани денеска, попладне, се транспортирани за Шпанија со медицински авион од Норвешка.

„По трагедијата во Кочани, медицински авион обезбеден од Норвешка полета од Скопје за Мадрид, превезувајќи седум повредени кои ќе добијат медицинска помош во болниците во Ла Паз и Хетафе. Шпанија секогаш блиску до Северна Македонија и се солидаризира со жртвите од пожарот“, стои во објавата на „Х“ на Шпанската амбасада во Македонија.

Поради пожарот во дискотеката „Пулс“ во кој загинаа 59 млади луѓе во неделата, Кочани и целата држава деновиве се во агонија и последиците од оваа колективна траума ќе бидат присутни година или две од немилиот настан. 

Пожарот во дискотеката „Пулс“ во Кочани, каде животот го загубија 59 лица, а десетици останаа со повреди, што од изгореници, што од вдишување чад, покажува колку всушност непрофесионалноста може да доведе до огромни и ненадоместливи загуби. 

Ако во јануари годинава донесе одлука да ја покрива загубата од 3,7 милиони евра од 2023 година со идно позитивно работење, треба да се признае дека ниту ланската година не и донела многу голема среќа на странската компанија „Вабтек“, односно поранешно МЗТ, која откако е во сопственост на американскиот инвеститор, се занимава со производство на сопирачки за шински возила.

По неколку дена од трагедијата во импровизираната дискотеката „Пулс“ во Кочани, во која загинаа 59 лица, здравствената состојба на повредените пациенти, згрижени во македонските и странските болници е стабилна.