ФАКТОР НА ДЕНОТ: Уште 90 заразени со Ковид - 19, Скопје и Тетово се најголеми жаришта

Добивај вести на Viber

ДЕНЕС ИМАМЕ 90 НОВИ ЗАРАЗЕНИ И 9 ПОЧИНАТИ

Во последното деноноќие има 90 нови позитивни на корона вирусот но, загрижувачка е бројката на починати. Денеска нивниот број е 9, односно пет од Скопје, двајца пациенти од Тетово, еден од Охрид и еден пациент од Гостивар.

На Клиниката за инфективни болести и фебрилни состојби почина пациент од Скопје (90г), хоспитализиран на 15 јуни. На Институот за белодробни заболувања и ТБЦ е починат пациент од Скопје (64г).

Во ГОБ „8 септември“ починаа, пациентка (70г) од Скопје, хоспитализирана на 10 јуни, пациент (61г) од Гостивар, хоспитализиран на 17 јуни и пациент од Скопје (57г), примен на 17 јуни. На барање на семејството е испишан од болница пациент од Скопје (64г), кој починал во кола по заминувaњето. Хоспитализиран бил на 17 јуни во тешка состојба како сомнителен на ковид, а потврден позитивен по приемот.

СКОПЈЕ И ТЕТОВО СЕ НАЈГОЛЕМИ ЖАРИШТА

Скопската општина Чаир се уште има најмногу заразени од коронавирусот. 

Скоро 400 жители во оваа општина се инфицирани со Ковид - 19. 

Статистиката од вчера покажува дека најмногу заразени има во Чаир – 394, потоа во Гази Баба – 156, Бутел- 144, Центар и Сарај по 137, Аеродром – 135, Карпош – 116, Кисела Вода – 98, Ѓорче Петров – 83, Студеничани – 86, Шуто Оризари – 73, Арачиново – 55, Илинден – 31, Петровец – 14, Чучер Сандево – 16 Сопиште – 13, Зелениково – 2. 

СЕ ПОЈАВИ НОВА „БОМБА“

Зоран Заев, претседателот на СДСМ, за денешните објавени аудио-снимки во кои се слуша гласот на поранешниот директор на Фондот за здравство, Ден Дончев, во кои се споменува и Филип Медарски, тврди дека се извадени од контекст затоа што, според лидерот на владеачката партија, се работи за ангажман на адвокатот во меѓусебен спор во Тотал ТВ, а не за случај за дијализниот центар „Дијамед Македонија“ и за продажбата на неговата концесија.

- Медарски, многу често и адвокат на СДСМ, имал предмет во кој сопственици на Тотал ТВ имале меѓусебни пријави во полиција, која постапувала по Тотал ТВ, а тој бил застапник на еден од нив. Еден од сопствениците на Тотал ТВ е пријател и на Ден Дончев, па зборувале за него, рече Заев.

Разговорот на снимката, која беше објавена денес од страна на Антонио Милошоски, се однесува на мојот професионален ангажман за компанијата Тотал ТВ, каде бев ангажиран од мнозинскиот сосопственик, а во врска со кривична пријава, поднесена од малцинскиот сосопственик, реагира адвокатот Филип Медарски.

СТАТИСТИКА ОБЈАВИ ПОДАТОЦИ ЗА ПРОСЕЧНАТА ПЛАТА ВО АПРИЛ

Индексот на просечната месечна исплатена нето-плата по вработен во април 2020 година, во однос на април 2019 година, изнесува 104.2.

Податоците денеска ги објави Државниот завод за статистика. 

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (12.0 %), Други услужни дејности (6.9 %) и Дејности на здравствена и социјална заштита (6.4 %).

Намалување на просечната месечна исплатена нето-плата по вработен, во однос на претходниот месец, е забележано во секторите: Објекти за сместување и сервисни дејности со храна (9.0 %), Стручни, научни и технички дејности (6.9 %) и Транспорт и складирање (6.6 %).

ЧИТАЈТЕ УШТЕ

Generali Investments Slovenia е во процес на превземање на Илирика Фунд МенаџментА.Д. Скопје преку спојување со Генерали Инвестментс АД Скопје, фирма-ќерка на најстарата компанија за управување со средства во Словенија, Generali Investments. 

Верува во исправноста на политиките на нејзината партија ВМРО-ДПМНЕ, но и во претседателот Христијан Мицкоски, за кого има само пофални зборови. 

Членовите на Комисијта за заразни болести денеска едногласно одлучија да дадат препорака на Владата за отворање на казината и хотелите.

На денешниот состанок, Комисијата за заразни болести, меѓу другото одлучи дека се уште е рано да се отвораат и фитнес центрите, па препорака за нивно повторно функционирање, како што велат за Фактор, ќе дадат на состанокот што ќе го одржат во четврток.

На денешниот состанок на Комисијата за заразни болести се разговарало за процесот на отворање на границите, односно за тоа каков предлог да дадат до Владата, бидејќи ова е една од последните рестриктивни мерки за која се очекува наскоро и да се укине.