Фатен скопјанецот кој со кражби од аптеки заработил 31.330 денари
Објавено во: Македонија 17 Март, 2018
40-годишниот Скопјанецот С.Х. добил кривична пријава која Секторот за внатрешни работи Скопје ја поднесе до Основното јавно обвинителство поради сомнение дека двапати ограбил аптеки со што стекнал противправна имотна корист од 31.330 денари.
Според информациите од МВР кривичните дела С.Х. ги извршил минатата недела, од седми до 13 март, во вечерните часови, во аптеки во Аеродром и Ѓорче Петров. С.Х. влегувал во аптеките со пиштол и со закана по животот кон вработените, од касите одземал пари и други производи од сталажите, по што го напуштал местото на настанот
По преземени оперативни активности, завчера, врз основа на претходно добиена наредба од Основен суд Скопје 1, извршен е претрес во домот на С.Х., а прегледан е и видео материјалот од безбедносните камери на двете аптеки. Извршено е и препознавање од страна на вработените кои потврдиле дека С.Х е сторител на кривичните дела.