Добивај вести на Viber
Добивка во износ од 489 милиони долари, или 1,53 долари по акција за период од три месеци, завршувајќи на 31ви август 2013 година, пријави најголемата компанија во светот за експресни курирски услуги FedEx, пренесува “Ројтерс”.
Ова е поголема добивка од очекуваната. Аналитичарите предвидуваа профит од 1,50 долари по акција. Една година порано, профитот на FedEx изнесуваше 459 милиони долари, или 1,45 долари по акција. Од компанијата изјавија дека модернизацијата на својата флота од авиони дополнително ги намалило трошоците за одржување.
Во меѓувреме стана јасно дека цените на FedEx за меѓународна експресна испорака ќе се зголемат во просек за 3,9 % на 6 јануари 2014 година.
Акциите на компанијата поскапеа за 2,8 % и се тргуваа за 113,80 долари во 09:19 часот на New York Stock Exchange.