Фејсбук – за или против?

Добивај вести на Viber

Не заостануваме во ниеден дел од развиениот свет, а посебно во виртуелниот свет или интернет комуникацијата, а фејсбукот ни е како „добро утро“. Дали е тренд или потреба, денес веќе скоро секое трето лице има сопствен профил, а ако на ова се додадат и страните на компаниите и другите реклами на фејсбук, тогаш тоа е една голема бројка на корисници на фејсбук. А да не заборавиме, дека е пред се, социјална страна, страна за комуникација и дружење или и стекнување и запознавање нови пријатели.

За или против? Мислења има разни, но користење фејсбук по цели денови и ноќи или поголемиот дел од слободното време или за време на работа или школо е дефинитивно, против. За, можеби да се пронајде некој – а пријател –ка кои не сме ги виделе одамна или се во друга држава, за тоа да. А ако ги најдеме на фејсбук, подоцна може да се комуницира и преку скајп или мсн, па и по меил.

Едно испитување во САД, покажа дека преку фејсбук се случуваат прељуби, најчесто под други имиња, кои се среќаваат подоцна и во живо, но се случило и неколку разводи, фејсбукот придонел за тоа и се користел како доказен материјал. Длабоко во суштина на овие социјални мрежи, како фејсбук најчесто се за флерт, иако за младата популација  се интересни и побрзо доаѓаат до „пријател“ кој може да биде и реален. Флерт, затоа што понекогаш од радозналост се прифаќа „пријател“ иако не го познавате, или ви се допаднала неговата слика, профил, а кој се крие или каков е, за тоа понекогаш е доцна. Факт е дека човековата љубопитност е незаситна, а интересот за запознавање нови лица, никогаш не бил поголем. Факт е исто така, слободната комуникација, односно без страв и срам се кажува се и сешто, бидејќи соговорникот е виртуелен свет, невистински. А покрај се друго, се играат и игри како фарма или покер, но кој да се прошета до блискиот парк кога мојата фарма е подобра од другата. Или оваа музика е супер, па ќе ја закачам да видам кој ќе ја „лајкне“ итн. Времето ќе покаже дали фејсбк – манијата е тренд, потреба, забава или навика. Едно е сигурно, дека интернет комуникацијата и самиот интернет е од големо значење и тоа е факт, но не смее да се запостави реалноста, светот на гушкање, играње, бакнување или забавување. Не може вируелно да се бакнеш со некој (иако и тоа не е за потценување), не можеш да гушкаш монитор итн.

Секој поединец има можност да си ги одреди своите приоритети...

Или како онаа старата поговорка, беше како: „Се што е со мера, добро е додека не се претера“.