Ферид Мухиќ: Граѓаните се претворија во аскетски испосници, затворени во своите пештери

Добивај вести на Viber

Од  битие на заедница, човекот станува суштество на осаменост, од духовно ослободен, во духовен роб. Се поткопува самата основа на општеството: емотивната компонента! Лојалност, верност, пријателство! И љубов! Љубов како ерос и како агапе! Не можете да направите пријателство од далечина; не можете да сакате онлајн! Никој веќе нема да знае што значи да се умре за пријател, или да се сака до гроб! Најмоќниот извор на човечка отпорност кон власта - критичко размислување, кое добива сила од моралните вредности на општеството и емоционалната поврзаност на луѓето, е затрупано. Изградбата на слободата е срушена! Перфидната перверзија на апстрактната лојалност кон државата, заснована на страв за сопствениот живот, ја замени критичката свест на независната личност со морален интегритет, пишува филозофот Ферид Мухиќ во својата последна колумна критикувајќи го функционирањето на одредени држави за време на корона кризата.

Според независниот пратеник од македонското Собрание, граѓаните се претворија во аскетски испосници, затворени во своите пештери. Но, веќе не водени од нивната слободна одлука, или од копнежот за екстатичкото искуство на бесконечност, туку по команда, декрет, закани со затвор, и наместо кон Семоќниот Бог, тие сега ги испраќаат своите молитви кон тоталитарните држави..