Филипче до Зибери: Нема да дозволам политичко поентирање на сметка на епидемијата
Објавено во: Македонија, Корона Вирус 25 Јуни, 2020
Во ниеден момент не донесовме политички мотивирани одлуки и ова вие добро го знаете, му одговори на Фејсбук, министерот за здравство, Венко Филипче на директорот за јавно здравје, Арбен Зибери.
Филипче вели дека ако сме во изборна кампања, не значи дека е дозволено да изнесува невистини.
„Вашата изјава е неточна, штетна и пред сѐ неколегијална, што исклучително ме загрижува. Моја должност како министер меѓу другото е да го штитам угледот на колегите од комисијата и нивните стручни одлуки. Верувам дека разбирате каква штета нанесувате во овие чувствителни моменти кога заеднички се бориме за иста цел. Го ценам придонесот на сите кои се борат со епидемијата, вклучително и вашиот, но нема да дозволам политичко поентирање на сметка на епидемијата“, пишува Филипче.
Откако директорот на Центарот за јавно здравје, Арбен Зибери, се пофали дека како член на Комисијата за заразни болести помогнал за отворањето на границите, без да се прават Ковид-тестови и мерка карантин, со цел иселениците Албанци да може да дојдат и да гласаат на изборите на денешната прес-конференција, Филипче најави дека станува збор за евтина и лоша предизборна политика која никому не оди во корист.
Зибери му порача на министерот дека никогаш не ја злоупотребил институцијата со која менаџира. Зибери упати и критики кон Филипче, а најавата за негово разрешување смета дека има изборна позадина.
Границите се отвораат утре, и ќе се поминуваат без корона тестови и без обврска за карантин.
Можеби ќе ве интересира
„ГОГА НЕМА ХРАБРОСТ НИ РЕШИТЕЛНОСТ ДА ПОКРЕНЕ ПОСТАПКА НИ ПРОТИВ БУГАРСКИОТ НИ ПРОТИВ ПРЕСПАНСКИОТ ДОГОВОР“: Ванковска била загрижена заради Силјановска
СЗО ИМА СТАНДАРДИ ЗА УРБАНО ЗЕЛЕНИЛО: Во Македонија се потребни повеќе зелени површини
КАРАКАМИШЕВА РАСПАЛИ ЗА ОСМАНИ: Знае ли човеков дека Венецијанската комисија е експертско тело за уставни прашања, а не чајџилница во која му се поклонуваат и му ракоплескаат?
УШТЕ ЕДЕН СТУДЕН БРАН ЌЕ УДРИ ВО ЕВРОПА И НА БАЛКАНОТ: Дали ни доаѓа многу ладен бран со дожд, снег и мраз?
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
