Филипче: Судењето за трагедијата во Кочани е тест за зрелоста на општеството и мора да се води транспарентно
Објавено во: Македонија 19 Ноември, 2025 13:42
Лидерот на СДСМ Венко Филипче, на денешната прес-конференција истакна дека судењето за трагедијата во Кочани претставува „тест за целото општество“ и побара процесот да се води отворено и кристално чисто.
„Барам и очекувам процесот да се води отворено, транспарентно, пред очите на целата јавност. Родителите на жртвите имаат право да ја знаат вистината. Правда мора да има“, изјави Филипче.
Тој нагласи дека семејствата на загинатите и целата јавност заслужуваат јасни одговори и чесна постапка, додавајќи дека начинот на кој ќе се води овој процес ќе покаже колку е зрело општеството.
„Ова им го должиме на родителите, на граѓаните и на државата. Ова е голем тест за зрелоста на нашето општество“, потенцираше Филипче.
Тој информираше и дека СДСМ ќе ги користи сите демократски механизми за целосно расветлување на трагедијата, а токму затоа пратеничката група на партијата побара формирање Анкетна комисија во Собранието за да се испита секој детал од случајот.
Можеби ќе ве интересира
Пријава против поранешниот градоначалник на Демир Капија за контаминирање вода за пиење
ДЕНЕСКА ПОЧНУВААТ НОВОГОДИШНИТЕ ЗАБАВИ - градоначалникот најавува активности за сите генерации
ВМРО-ДПМНЕ, ЗНАМ и ВРЕДИ со контрарезолуција во Собрание дека СДСМ лаже за мигранти
Предлог за разрешување на главниот обвинител Коцевски утре на седница на Парламентот
Штип ќе им додели „бонус“ од 100 евра за Нова година на 100 пензионери
АКО ПАТУВАТЕ КОН ГРЦИЈА НЕ ОДЕТЕ НА ГРАНИЧНИОТ ПРЕМИН ЕВЗОНИ - најавени нови блокади, еве кога
Дејан Манасков приведен во Охрид поради физички напад на противнички тренер
Од фирма од Битола до невладина од Скопје: кој стои зад „Зимзоленд“
