Фирмите да поднесат годишни сметки за 2015

Добивај вести на Viber

Сите обврзници треба да достават годишни сметки за 2015 година до крајот на месецов, а за трговските друштва што поднесуваат во електронска форма, за трговците поединци и за самостојните  вршители на дејност рокот е 15 март 2016 година, информираат од Централниот регистар на Република Македонија. Во понеделник приемот на годишни сметки за 2015 година во хартиена форма ќе се врши во сите регистрациони канцеларии на Централниот регистарво, во период од 8 до 20  часот. Исто така прием на годишни сметки за 2015 година ќе се врши и утре во сите регистрациони канцеларии на Централниот регистар  од 8 до 16  часот. Согласно со Законот за трговските друштва, средните и големите субјекти се должни до Централниот регистар на Република Македонија да ги поднесат годишните сметки и финансиските извештаи исклучиво во електронска форма, а ревидираните и одобрени годишни сметки и финансиски извештаи за 2015 година да ги достават најдоцна до 30 јуни 2016 година. Детални информации и упатства за поднесување на годишните сметки се објавени на веб-локацијата на Централниот регистар на Република Македонијаwww.crm.com.mk, во делот информативни содржини.