Fitch останува внимателна со Грција!

Добивај вести на Viber

Меѓународната рејтинг агенција Fitch го потврди своето мислење за кредитоспособноста на Грција. Кредитниот рејтинг се задржува на ниво B-. На овој начин рејтингот  е со шест нивоа под т.н. "инвестициски рејтинг", кој ги опишува безбедни форми на инвестиции. Fitch не очекува никаква промена во рејтингот за следните дванаесет до 18 месеци. Перспективата останува стабилна. Грција била на пат да ги укине економските дисбаланси , се вели во образложението на агенцијата. Клучно за кредитоспособноста сепак е враќање на грчката економија . Fitch очекува дека грчката економија ќе се намали за 4% во 2013 година. Следната година економскиот пад веројатно ќе биде послаб . Според Fitch може да се очекува примарен буџетски суфицит (со исклучок на камати ) . Сепак сеуште постојат голем број на големи политички опасности за процесот на реформи во земјата. Заморот од реформите се зголемува и мнозинството на сегашната влада во Парламентот е изложен на ризик. Во петокот пак агенција Moody's ја зголеми оценката за кредитниот рејтинг од C на Caa3. Оваа проценка сепак е чекор под оние на Fitch и Standard & Poor's. Fitch го зголеми кредитниот рејтинг на Грција во мај од CCC на B-. Кревањето на рејтингот доаѓа неколку дена откако ОЕЦД вели дека Грција ќе остане во рецесија и следната година и покрај круцијалниот напредок во фискалните и економските реформи. Организацијата очекува пад на Грчкиот БДП во 2014 година од 0,4%, што сепак е поголем оптимист во однос на претходните прогнози. Пред неколку недели "тројката" кредитори на земјата - ЕК, ММФ и ЕЦБ изјавија  дека очекуваат грчката економија да се врати на скромен раст во текот на следната година. K.K.