Флерт на работното место – да или не?

Добивај вести на Viber

Чувствувате физичка привлечност кон вашата соработничка, но и двајцата сте во врска. Како да бидете сигурни дали е тоа нешто што треба да го следите, или пак нешто што треба да го сопрете? Никој не сака погрешен потег со кој би бил избркан од работа. Прашањето е, дали да ја направите вистинската работа, или работата што чувствувате дека е вистинска? Фактот дека вие и вашата колешка веќе имате пријателство, ве прави совршен издувен вентил за неа. Ви се доверува за нејзината врска, а истовремено знае и дека вие се грижите за вашата. Затоа сака да биде околу вас, ве чувствува сигурен, некој на кој може да се потпри, и тоа во случајот е болната точка за вас. Останува на ваш потег, дали ќе го живнете овај канцелариски флерт. Бидејќи сите добро знаеме, кога еднаш ке тргниш, нема враќање назад. Пијачка на екс по завршувањето на работното време, долги муабети, одврзување на вратоврската, и однесување како да не се знаете следниот ден, таков крај на играта нормално никој не посакува. Друга верзија би била наметнување од нејзина страна, ве поканува на ручек, и со нетрпение го чека следното ниво. Што би можеле вие да сфатите во таков случај? А) Дека можеби воопшто и не ви се допаѓа, Б) Тоа го прави со секој, В) Што ако дознае вашата девојка? Конечно, размислете добро - Ја замислувате вашата колешка како ваша идна девојка, или едноставно си барате возбуда во вашата долга и веќе монотона врска? Совет, украдете од возбудата на работното место, и однесете ја кај вашата девојка, така што ќе ја зачините врската со нови моменти, а и ќе се поштедите себеси од можното страдање и потенцијални проблеми.