ФОКУС НА ДЕНОТ: 13 земји бараат датум за Македонија, Груевски и Богоевски веќе не се пратеници

Добивај вести на Viber

Министрите за надворешни работи на Чешка, Естонија, Летонија, Литванија, Унгарија и Бугарија, како и на Италија, Малта, Австрија, Хрватска, Словенија, Полска и Словачка денеска во заедничко соопштение ги повикаа членовите на Европскиот совет да донесат одлука за отпочнување на преговорите со Северна Македонија и Албанија месецов.

Сметаат дека од суштинско значење е да се обезбеди севкупен напредок во регионот.

Наведуваат дека ЕУ треба да ја исполни својата недвосмислена определба за европската интеграција на Западен Балкан. 

Според нив, не постои „план Б“ за регионот. 

Павле Богоевски по констатираната оставка како пратеник во Собранието на Македонија на денешниот брифинг пред новинарите рече дека ќе продолжи да делува вонинституционално како активист.

- Борбата ќе продолжи. Јас не можам да молчам. Таа ќе биде вонинституционална и ќе продолжам со својот активизам - рече Богоевски.

За тоа дали ќе побара апанажа, наведе дека јавноста ќе биде известена за неговиот став понатаму. 

Собранието на Северна Макекедонија ја констатираше оставката на Никола Груевски, која до Парламентот беше доставена на 5 јуни. Предлогот за одземање на мандатот е беспредметен и се повлекува.

На актуелните претседатели на ограноците на ДУИ, мандатот им истече уште минатата година, и како што ја информиравме јавноста, на состанокот на претседателството и Централниот Совет пред претседателските избори, се формираше работна група одговорна за одржување на собранието на форумот на младите и на жените, регистрацијата на членството, одржувањето на изборите при локалните подограници и ограноците како и организација на изборниот конгрес на ДУИ, информира Артан Груби од ДУИ. 

„Го избравме новото претседателство на форумот на младите и на жените на масовни и спектакуларни собранија, ја завршивме регистрацијата на членството и следен чекор е организирање на внатрешнопартиските избори. Затоа, на вчерашниот состанок на претседателството се одредија одговорните лица за спроведување на изборите во секој огранок. По овој Изборен процес следува организирањето на изборниот конгрес на ДУИ. Ниту еден претседател на огранок не е разрешен, туку се објавени внатрепартиските избори во согласност со партискиот статут“, информира Груби. 

ДУИ е партија компактибилна со времето и околностите, па затоа секогаш имала прилив на нови лица во партијата, истовремено заддржувајќи го основачкиот столб непокорен и стабилен, додава тој.