Формирана првата регионална мрежа за поволно деловно опкружување

Добивај вести на Viber

Сојузот на стопански комори на Македонија (ССК) заедно со Заедницата на единиците на локалната самоуправа (ЗЕЛС) како и институци од Хрватска, Србија и Босна и Херцеговина во Ријека, потпишаа договор за формирање на прва „Регионална мрежа за поволно деловно опкружување“. Станува збор за прво тело со регионален предзнак задолжено за унапредување на условите за стопанисување во одделните економии и привлекување нови инвестиции. Така, општините во регионот меѓу кои Велес и Струмица, кои го добија сертификатот за поволно деловно опкружување во ЈИЕ, во рамките на проектот „BFC SEE“, ќе спроведуваат реформи во администрацијата во насока на унапредување на процедурите, јакнење на транспарентноста, намалување на бирократијата и обезбедување докуметни како и податоци за потенцијалните инвеститори. Сето ова е неопходни во процесите на планирање на работењето и донесување инвестициски одлуки. Бизнис пријателската сертификација на општините – BFC е процес кој промовира стандарди за ефикасна и транспарентна локална администрација, квалитет на услугите и информациите. Економски јака општина треба да е предизвик за секој градоначалник во нашата земја. ССК и ЗЕЛС во изминатите 20 месеци активно работеа на пилот проектот „Сертификација со поволно деловно опкружување во ЈИЕ“. Четири општини беа дел од пилот проектот меѓу кои две општини од Р. Македонија успешно го поминаа процесот на сертификација, општина Велес и општина Струмица. Сертификацијата на општините продолжува и во иднина.