(ФОТО) Ако не ги видовте летово, погледнете ги сега: Убавините на Лефкада!

Добивај вести на Viber

Лефкада е остров во соседна Грција кој е оддалечен 542 км од Македонија и е четврт по големина остров на Јонското Море. Градот Лефкас кој иако е пристаниште, со илјадниците бели едра на прекрасните едрилици, надалеку е познат како една од најголемите природни марини во Средоземјето.Јонскиот брег е опкружен со плажи од недопрената природа, разнобојни пејсажи, чист планински воздух и уникатната глетка на зајдисонцето. Сурфинг центарот во јужниот дел на Лефкада, како и можноста за “екстремен” сурфинг со падобран на северниот дел од островот, го вбројуваат во самиот врв на атрактивните дестинации. Јуни е најубавиот период да се посети Лефкада.

Најубавите плажи кои мора да ги посетите доколку ја одберете оваа дестинација се:

Porto Kaciki: Оваа плажа е една од главните атракции во Грција и е прогласена меѓу шесте најубави плажи на Медитеранот.Самата плажа краси со својата специфичност на тиркизната боја на морето и е лоцирана на 45км југозападно од островот близу местото Athani.

Egremni: Оваа плажа е лоцирана на југозападниот брег од островот. Плажата е карактеристична  затоа што е најдолга и преубавата глетка на карпестиот дел, до која може да се стигне преку 350 стрмни скали.

Мylos: Мylos е прекрасна плажа лоцирана 14км југозападно од градот Лефкада, помеѓу бреговите Агиос Никитас и Катизма. До оваа плажа се стасува преку планински дел или со брод. Плажата е опкружена со карпи и зелена позадина што создаваат неверојатна глетка. Oбласта е целосно издвоена и е  идеално место за оние кои сакаат да поминат некои релаксирачки и мирни  моменти на овој популарен остров.

 Megali Petra: Megali Petra е една од плажите што секој мора да ја посети штом стигне во Лефкада. Прекрасна плажа за релаксација, лесно достапна а воедно името и потекнува од големите карпи кои можат да се забележат покрај самата обала. Таа е лоцирана на 15км западно од Chora близу Kalamitsi.

Agiofili: Оваа плажа е лоцирана на 38км јужно од градот Лефкада блиску до местото Vasiliki. Таа е една од најтешко достапните плажи доколку се решите да одите со кола, а има можност да се посети со брод кој трга од пристаништето во Vasiliki. Воедно е една од најчистите плажи која изобилува со кристално чиста вода и бел песок. Опкружена е со бели карпи кои создаваат пријатно чувство и изолираност.

Како вечерни дестинации за прошетка може да се посетат градовите Лефкада и Василики. Лефкада е прочуена по убавиот поглед на зајдисонцето, глетка која ќе го воодушеви секого, а како наш избор на ресторан е Rachi каде може да се одморите и да уживате во погледот на зајдисонцето.