(ФОТО) Фасцинантни европски села

Добивај вести на Viber

Стар шарм, калдрми, љубезни домаќини, зачувани градби, интересна мешавина на архитектонски стилови, сето тоа го нудат европските села. Се развивале постепено, а сепак го сочувале она по што се познати - духот на минатото се чувствува на секој чекор. Со помош на сајтот  travel.yahoo издвоивме неколку од нив само за вас.

Обидос, Португалија (Óbidos) - Овој град се наоѓа на врвот на ридот, опкружен со силни ѕидови, е вистински пример за средновековната архитектура. Неговите улици, плоштади, дворци се популарна туристичка дестинација. Долж кривите улички се наоѓаат ресторани и кафе барови. Секој јули во Обидос се одржува традиционален средновековен пазар.

Каменот на Рајна, Швајцарија (Stein am Rhein) - Во овој град се наоѓа добро зачуваниот средновековен дворец. А средновековниот дел од градот е претворен во пешачка зона. Голем број објекти кои се дел од швајцарското национално наследство, се наоѓаат токму во овој град. Тоа се три цркви: манастирската црква Св. Георг, поранешениот бенедиктански манастир Св. Георгеан и Замок црквата. Верувајте списокот е многу долг.

Долен Слотер, Англија  (Lower Slaughter) - Ова англиско село е изградено на двата брега на реката Ока. Во традиционалните куќи од 18 и 19 век живеат вкупно 200 жители. Шармот на ова место го прави фабриката од 1800 година. Млинот е изграден од црвени тули.

 Мурно ам Штафелзе, Германија  (Murnau am Staffelsee) - Првите податоци за ова германско место потекнуваат од 1150 година, големиот пожар кој се случи во 1835 година целосно го уништи градот, но тој е обновен. Преубавите тесни улички на овоа место ги инспирирале угледните сликари Кандид и Мантер за сликање на нивните дела. Поради тоа местово може да се смета за село на уметниците.

Кадакуес, Шпанија (Cadaques) - Ова село завзема посебно место во историјата на уметноста. Овде живеел првиот модерен уметник, Меи Френ, кој доста од неговите изработки ги поклонил на селото. Исто така и Салвадор Дали бил чест гостин на ова место. Останатите значајни уметници кои се шетале и му се восхитувале биле: Пабло Пикасо, Џоан Миро, Марсел Дишан, Мелина Меркур... Во селцето се наоѓаат: куќа-музејот на Салвадор Дали, црквата Св. Марија...

Леванзо, Сицилија - Овој интересен остров завзема површина од само 6 км2 и има околу 450 жители. Жителите од ова место живеат воглавно околу малото пристаниште. Леванзо се наоѓа западно од Сицилија, и е вистинско скривалиште за мир и спокој, идеално место за љубителите на природата. На северниот дел од островот се скриени мали потоци, а на јужната страна е преубавиот залив Кала Догана, од чија кристална вода, најчиста на оваа страна на островот застанува здивот.