Добивај вести на Viber
Степенот на изградба во Кина восхитува и фасцинира , но понекогаш изгледа и смешно . Во кинескиот град Суџоу беше изграден нов облакодер , наречен „Вратата на Истокот" . Неговата висина е 300 метри.
Градските власти се надеваа дека појавата на нови високи згради ќе придонесе на градот углед како водечки глобален центар . Сепак, локалните жители сметаат дека облакодерот изгледа доста чудно и потсетува на панталони!
74- катниот облакодерот беше дизајниран од британската архитектонска фирма RMJM . Според авторите , облакодерот треба да ја прикаже Портата , во која Истокот се открива кон Западот. Зградата , исто така го симболизира триумфот на кинеската цивилизација и значењето на Кина во современиот свет .
Цената на облакодерот се проценува на 700 милиони долари . Иако архитектите имаа добри намери , а градителите ги запазија со извонредна точност , општата форма на зградата се покажа доста чудна. Многу Кинези сметаат дека огромниот облакодер е многу сличен на машки панталони. Некои блогери дури предложија да ја преименуваат зградата во „гаќите на Истокот" .
Критичарите, исто така ги обвинуваат властите дека го претворија градот во „зона за странски архитекти со смешни идеи " , објави The Daily Mail.
Кина доживува бум во изградбата на големи структури. Најпознати проекти се зградата на Shanghai World Financial Center и стадионот „Птичјо гнездо" во Пекинг . Сепак , многу од новите згради станаа предмет на потсмев од страна на критичарите , кои сметаат дека овие архитектонски објекти ќе останат празни поради кризата .
Облакодерот во градот Суџоу е најнов пример за перцепцијата на високите згради . Gherkin во Лондон доби навредливо име „краставица" , а жителите на Барселона и до денес ја мразат силуетата на Torre Agbar. Сеппак најгласни се критиките за облакодерот каде е новата канцеларија на весникот " Жанмин Жибао " - официјалниот весник на кинеската Комунистичка партија , која изгледа вака: