(ФОТО): Нов хорор ја потресе Австралија

Добивај вести на Viber

Австралиската полиција во градот Кернс денеска пронајде тела на осум деца, на возраст од 18 месеци до 15 години, кои умреле од повреди здобиени од нож, како и една жена која со тешки телесни повреди била пренесена во болница, пренесуваат светските медиуми. Откако полицијата добила повик да провери една куќа во предградието Манора, каде било пријавено дека има тешко повредена жена, полицијата веднаш излегла на терен, но откако пристигнала она што го затекнала било вистински хорор. Во куќата биле пронајдени тела од деца и жена која имала тешки повреди на градите. Жртвата венаш е префрлена во болница и во моментов е во стабилна состојба, оренесува „АП“. „Во овој момент јавноста не мора да биде загрижена за својата безбедност освен што ова е навистина тажен случај“, рекол полицискиот инспектор, Бруно Асникар. Полицијата не сакала да соопшти повеќе информации за случајот, меѓутоа, Лиса Тајдеј, која се претставила како роднина на жената, рекла дека децата биле браќа и сестри, а дека повредената е нивна мајка.   Таа, исто така, навела дека телата во куќата ги пронашол 20 годишен маж, кој е брат на настраданите деца. Улицата во која се наоѓа куќата на злосторството е блокирана за сообраќај, а повеќе десетици полициски службеници се распоредени на местото на инцидентот. Премиерот Тони Абот оценил дека станува збор за злосторство „кое остава без зборови“ и додал дека ова се тешки денови за неговата земја. Веста за оваа трагедија повторно ја потресе земјата откако пред само неколку дена во Сиднеј во една кафетерија вооружен напаѓач држеше 18 луѓе како заложници речици 16 часа. Напаѓачот и двајца од заложниците загинаа по упадот на полициските специјални единици.