Добивај вести на Viber
Сопственикот на кошаркарскиот тим Хјустон Рокетс од НБА платил 42 милиони долари за Пентхаус во близина на приватниот парк Грамарси во центарот на Менхетен , објави Daily Mail.
Со оваа зделка, Лесли Александер руши нов рекорд во секторот на недвижности , бидејќи тоа е највисоката цена платена за стан во центарот на Менхетн , според Wall Street Journal.
Станот е со површина 590 квадратни метри и располага со пет спални , пет бањи , библиотека и галерија. Станот, исто така има четири тераси со вкупна површина 175 квадратни метри , од кои едната гледа кон паркот.
Седумдесет годишниот Александар , чие богатство се проценува на околу 1,2 милијарди долари , има дадено аванс од околу 8,4 милиони долари за станот , а месечните рати за хипотека му изнесуваат 194 681 долари.
Пентхаусот е лоциран на 17-тиот и 18 -тиот кат на зградата. Александар , кој е поранешен трговец од Волстрит, ги купува Хјустон Рокетс во 1993 година , а во првата сезона за него како сопственик тие ја освоија првата титула во НБА , која ја одбранија во 1995 година по што Александар беше прогласен за најдобар сопственик на тим во НБА од Forbes во 2008 година.
Милионерот има лозја во Лонг Ајленд и придружната компанија Leslie Wine ја основа во 2008 година. Располага и со имот во Хјустон .Александар се разведува со неговата сопруга Ненси во 2003 година, а на неа и плаќа 150 милиони долари за разводот .