Добивај вести на Viber
Ова е една од најпопуларните дестинации во југоисточна Азија-островот Пукет на Такланд. Пукет е најголемиот остров во земјата, кој се наоѓа во Андаманско Море. Според површината голем е колку Сингапур.
Главен град е Пукет Таун, а најпознатото одморалиште, каде редовно одат познатите личности е Патонг. Тука е фокусиран ноќниот живот на островот и се наоѓаат повеќето пазари интересни за бројните туристи. Истоимената плажа, Патонг Бич -се смета за една од најубавите во светот. Инаку плажите се наоѓаат на западниот брег, бидејќи источниот дел е ридовит.
Едно од најпознатите романтичните места на Пукет е носот на Брама - рид од кој може да се набљудува неверојатеното зајдисонце.
Еден од најпрофитабилните бизниси, со кој се издржуваат локалните луѓе е секако-нуркањето. Околу Пукет има многу корални острови, па за туристите нуркањето е големо задоволство.
Друга атракција која се нуди на островот, е „Andaman Sea Kayak“ - екскурзија со кану што ги истражува морските пештери и лагуни.
Во забавниот парк „Fanta Sea“ пак туристите можат да го набљудуваат егзотичното шоу, посветена на историјата на Тајланд. Тоа вклучува магична претстава и воздушен балет, акробатична трупа, циркуски точки со учество на повеќе од 30 слонови, птици и биволи.