(ФОТО) ШТО Е СИГУРНО, СИГУРНО Е - вонредна дезинфекција на автобусите на ЈСП
Објавено во: Македонија 27 Февруари, 2020
Јавното градско сообраќајно претпријатие стартуваше со вонредната дезинфекција на автобусите.
Секој автобус по завршување на смената и утврдената рута, ќе биде дезинфициран со соодветно средство на база на алкохол и Дезинтал 10 отсто, односно со распрскување ќе се третира внатрешноста на автобусот, а рачно ќе се дезинфицираат и одделни делови од возилото како ракодржачи и слично.
ЈСП Скопје одлучи да почне да ја спроведува дополнителната (вонредна) дезинфекција како мерка за заштита од корона вирусот со оглед на тоа дека јавниот превоз во Скопје секојдневно во просек го користат 115.000-130.000 граѓани, а стотици граѓани ја посетуваат и ја користат Жичарницата.
Дополнителната (вонредна) дезинфекција ќе се врши секојдневно, се до добиените нови препораки од надлежните институции кои ја следат состојбата со корона вирусот.
Инаку, внатрешна дезинфекција на автобусите се врши секојдневно преку т.н. редовна дневна нега (чистење, миење) на возилата. Притоа, возилата се третираат со соодветни еколошки средства кои имаат дезинфекционо својство. Секое возило, пред да се пушти во сообраќај, е подложно на дневна нега.
А како што веќе пишуваше Фактор, граѓаните, вклучително и пензионерите кои се поризична група, засега не се воздржуваат од користење на јавниот градски превоз.Коронавирусот се чини дека не претставува закана за македонските пензионери и повозрасни граѓани, дури и откако вчера беше потврден првиот случај на овој вирис во земјава.
И утрово тие ги наполнија автобусите на ЈСП Скопје, веројатно секој во вршење на своите редовни или ургентни активности - кој на лекар, кој на пазар, кој на прошетка по убавиот сончев ден, а кој за било какви други потреби.
Дури, денеска не е ниту нивниот бесплатен ден, со оглед што без да плаќаат во автобусите на јавниот превоз тие можат да се возат во вторник, петок, сабота и недела.
И од ЈСП изјавија дека граѓаните не го намалиле користењето на градските автобуси, барем во досегашниот период.
„Не е забележано никакво значајно опаѓање на бројот на корисници на јавниот превоз откако се потврди присуството на првиот случај на корона во земјава“, велат за Фактор од јавното сообраќајно претпријатие.
Или за споредба, минатата среда имало 198.576 валидации во автобусите на ЈСП, а вчера, исто така среда, бројот на валидации е 197.686, што значи нема воопшто голема разлика, туку значително помала.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ШИЛЕГОВ СПОДЕЛИ РАДОСНА СЕМЕЈНА ВЕСТ: Тој е горд татко на дипломката Симона Шилегова
Во Клиника Жан Митрев повторно успешно примената наградуваната метода за хирургија без рез
МАКЕДОНСКИ АВТОБУС ЗАГЛАВИ ВО СНЕЖНИТЕ НАНОСИ ВО СРБИЈА, УДРИЛ ВО БАНКИНА: Невремето со снег направи хаос
ПУСТОШ ВО ДЕБАР, БИТОЛА, ШТИП, ВЕТРОТ ОТКОРНА 100-ГОДИШНИ ДРВЈА: Неделава со поларни температури
МИЦКОСКИ: Ќе излеземе со нов предлог-проект за набавка на 100-120 електрични автобуси кои нема да бидат само за ЈСП
ФАКТОР НА ДЕНОТ: Се одржа протест поради проблемите со јавниот превоз во Скопје
ВЕЧЕРВА ПОЛЕСНО СЕ ДИШЕ: Куманово и Струмица се средно загадени
ПО ШТИП, НА УДАР И БИТОЛА: Силниот ветер направи штети
ОШТЕТЕН ПОКРИВ НА УЧИЛИШТЕ И ПАДНАТИ ДРВЈА: Силен ветер направи хаос во Штип
