НИ КОРОНА НЕ ГИ ПЛАШИ - пензионерите пак ги полнат автобусите на ЈСП

Добивај вести на Viber

Коронавирусот се чини дека не претставува закана за македонските пензионери и повозрасни граѓани, дури и откако вчера беше потврден првиот случај на овој вирис во земјава. 

И утрово тие ги наполнија автобусите на ЈСП Скопје, веројатно секој во вршење на своите редовни или ургентни активности - кој на лекар, кој на пазар, кој на прошетка по убавиот сончев ден, а кој за било какви други потреби.

Дури, денеска не е ниту нивниот бесплатен ден, со оглед што без да плаќаат во автобусите на јавниот превоз тие можат да се возат во вторник, петок, сабота и недела. 

И од ЈСП велат дека граѓаните не го намалиле користењето на градските автобуси, барем во досегашниот период.

„Не е забележано никакво значајно опаѓање на бројот на корисници на јавниот превоз откако се потврди присуството на првиот случај на корона во земјава“, велат за Фактор од јавното сообраќајно претпријатие. 

Или за споредба, минатата среда имало 198.576 валидации во автобусите на ЈСП, а вчера, исто така среда, бројот на валидации е 197.686, што значи нема воопшто голема разлика, туку значително помала.

Ова претпријатие ќе ги следи податоците како ќе се одвива користењето на градските автобуси во следниот период. 

А барем според досегашните статистики, постарите граѓани се една од најризичните групи за коронавирусот. Или, како што објави Женски Магазин, ако имате над 80 години и сте заразени со вирус, шансата да умрете е 14,8 отсто, што значи дека 85,2 отсто ќе оздравите.

Ако имате 50-60 години, имате 1,3 отсто шанси да починете ако сте заразени со вирусот.

За оние под 40 години, шансата е 0,2 отсто и затоа, 99,8 проценти од младите под 40 години кои се ќе се заразат ќе закрепнат.

Н.Н.Ф.