(ФОТО) ШТО СЕ НОСИ: Саудискиот крал патува со 459 тони багаж
Објавено во: Свет 01 Март, 2017
Меѓу багажот на саудискиот крал може да се видат два автомобили Мерцедес, лични предмети и два лифта.
Да патуваш со 459 тони багаж, сосема е можно, ако си крал на Саудиска Арабија.
Абдул Азиз ал Сауд ја започна големата турнеја низ Азија, а прва ќе ја посети најголемата муслиманска држава во светот - Индонезија.
Од багажот 63 тони ќе пристигнат во Џакарта, а остатокот ќе биде однесен на островот Бали, наведува „Вашингтон пост".
За последен пат кралот бил во Индонезија пред 46 години.
Во програмата за азиската турнеја се Малезија, земји од Далечниот Исток, а на враќање кралот ќе помине низ Јордан, посочуваат руските изданија.
Во Индонезија Абдул Азиз ал Сауд ќе биде придружен од неговата огромна свита од околу 1.500 лица, а локалните власти ќе додадат кон нив 178 лица за Џакарта и уште 394 на Бали. Кралот ќе остане во Индонезија до 9 март.