(ФОТО) СИЛЕН ЗЕМЈОТРЕС: Има осум повредени
Објавено во: Свет 06 Јануари, 2018
Земјотрес со јачина од 5,1 степени по Рихтер го погоди попладнево западен Иран, при што се повредени осум лица.
Двајца од повредените се хоспитализирани.
Потресот се случил во 18,55 часот на длабочина од 8 километри.
Епицентарот на земјотресот е регистриран на 7 километри од Сарпол-е-Захаб, 20 километри од Каср-е-Ширин и 37 километри од Гилан-е-Гарб, во западните подрачја на Иран.
Во земјотресот со магнитуда од 7,3 по Рихтер кој го погоди на 12-ти ноември блиското подрачје на сегашниот потрес, загинаа 630 лица, а беа повредени уште 12.386 луѓе, во покраината Корамншах. До 26-ти декември биле регистрирани повеќе од 1.600 последователни потреси во овој регион.
Иран е една од најсеизмички активните области во светот, затоа што се наоѓа на крстосувањето на неколку големи активни раседлини кои зафаќаат околу 90 отсто од земјата.