ФАКТОР АНАЛИЗА: Кој прави милиони евра во градот под Исарот?

Добивај вести на Viber

Техникал Текстајлс, фабриката која произведува фибер стакло за индустријата, за бродската индустрија и за индустријата за енергија на ветер. во слободната индустриска зона, е лидер по остварена добивка во Штип за 2023. 

Во „Градот под Исарот“ на второто место е малопродажниот трговски ланец „Кит-Го“, кој од пред две години има нов сопственик во „Вива Фреш“. 

На третото место огромен скок прави компанијата за производство на електрична енергија КТМ Енерџи Солушн, која работи само две години, но за брзо време се вивна во водечката тројка. Компанијата во сопственост на Трајче Димитров, Марјан Јовчевски и Кристијан Колев од 250.000 евра добивка во 2022 направи скок на заработка од 2,4 милиони евра во 2023. Приходите се зголемени повеќе од петкратно.

На 4.позиција е фабриката за метални конструкции „Актива“, која од оваа година покажа амбиции да го преземе производството на автобуси од Ван Хоол. Во првите 5 е и Езимит Вино, чија основна дејност е наплата на рента од недвижнини. во сопственост на Вито и Дебора Митровски, наследниците на Зоранчо Митровски.

Над еден милион евра добивка имаат и ЕАМ, текстилната компанија за плетена облека, и Оаза Екстра-Скопско, дистрибутерот на големо на пијалоци. Понатаму следуваат Нико 2002, трговецот на големо со текстил и трикотажа, и кондиторскиот производител Стел Импекс.                                                                                                                               А.К.

Извор: Централен регистар