29 Март, 2024
0.0259

ФОТО: Таинствениот грчки остров Амулиани, најблиску до нас!

Објавено во: Стил 04 Јануари, 2013

Добивај вести на Viber

Ова е единствениот населен остров до Халкидики, а веројатно и еден од најблиските до Македонија. Должината му изнесува само четири километри, но нуди неверојатни плажи и прекрасни пејсажи, комбинирани со грчката атмосфера и храна. Станува збор за Амулиани. Островот е во близина на третиот крак на Халкидики - Атос. До него се стигнува по само 10 минутно возење со ферибот од пристаништето Трипити. Островот нуди една од најубавите глетки во Грција - од сите делови се гледа Света Гора. На уживањето во залезот на сонцето нема да пречат високи згради, бидејќи на Амулиани е дозволено да се гради најмногу до два спрата, правило кое важи и за хотелите.  Покрај тоа, тие треба да бидат распоредени на најмалку четири декари, што автоматски ја исклучува можноста за пренатрупување на просторот со новоизградени објекти. На грчки Амулиани значи ситен песок. Името го има добиено од долгите песочни плажи на островот. За 600-те жители кои живеат овде основен транспорт е мотоциклот, бидејки најлесно со него се вози по тесните улички кои не секогаш се асфалтирани. Жителите овде освен од туризам, заработуваат и од риболовот, но и рестораните што служат храна штотуку извадена од морето.