(ФОТО) Вака изгледа новата куќа на Бијонсе и Џеј Зи!
Објавено во: Стил 21 Септември, 2014
Бијонсе и Џеј Зи наводно веќе долго време гледаат една луксузна куќа во брдата на Лос Анџелес, која чини неверојатни 85 милиони долари. Парот изгледа е многу заинтересиран, бидејќи неколкупати биле да ја разгледуваат, а самата куќа претставува сон на секој познат пар - надворешно дејствува сосема нормално, а всушност е олицетворение на луксуз.
Еднокатницата од 2.140 квадрати има се што можете да замислите. Покрај „стандардната опрема“ - 8 спални соби, 15 тоалета и заоблен „инфинити“ базен - тука е огромниот вински подрум, приватно кино со 24 места и неверојатна гаража.
Погледот цели кон цел Лос Анџелес, а самата куќа се наоѓа на мирно место, во брдо, што е идеално за познати личности. Иако од агенцијата за недвижности не потврдуваат дека најмоќниот пар во музичката индустрија ја сака оваа куќа, повеќе извори тврдат дека тоа е вистина.
Инаку оваа куќа ја изградил милијардерот Брус Маковски, на земјиштето кое го купил пред две години за 12 милини, и ја опремил со најнова техника и детали за кои обичните луѓе можат само да сонуваат.
Помеѓу останатото, тука е вотка барот со 12 места за седење, луксузна маса за гости со 24 места и прибор и есцајг со потпис „Роберто Кавали“, а секој комплет вреди 4000 долари.
Винскиот подрум не е само огромен, туку доаѓа во целост опремен со скапоцените „ Дон Перињон“ вина, а тука се и фирижидерот и еспресо машината - апарати кои се во целост вградени во ѕидовите.
Секако, два огромни плакари - за неа и за него - опремени со луксузен мебел како бирањето на облека би било посебно доживување.
Посебен „детал“ е гаражата со 16 автомобили, која е опремена со посебен лифт за кола. Така по желба можете колата да ја подигнете во галеријата и да и се восхитувате додека пиете кафе.
