Добивај вести на Viber
Повеќе од еден век Кoчиите, влечени од коњи, се една од знаменитостите на Њујорк. Новиот градоначалник на "Големото јаболко" Бил де Бласио сепак не е толку носталгично поставен и планира да ги замени од две причини - жестоката експлоатација на животните и сериозниот метеж кои го предизвикуваат .
Една од опциите за заменик на коњскиот екипаж беше прикажан на саемот во Њујорк. Жителот на Бруклин Џејсон Уениг, кој работи како автомобилски реставратор, го демонстрираше своето создание eCarriage - електромобил , чија подготовка му одзела цели 6 години.
Возилото покренува спомени за раната ера на автомобилската индустрија, но истовремено располага со најсовремени технологии. Тој може да пренесува 8 лица и да измине 160 километри со едно полнење, благодарение на батерија со капацитет од 46 kW / h, која го напојува електромоторот со моќност 84 КС.
Габаритот на eCarriage е доста сериозен - меѓуоскиното растојание му достигнува 4 метри, а широчината - 2,2 метри. Толку е и висината до крајот на ветробранско стакло. Со возачот и 8 патници тежи цели 3,4 тони.
"Целта е машината да го задржи шармот на кочиите и затоа требаше да пријдам храбро, дури и дрско кон проектот - коментира Џејсон Уениг. - Штом треба кочиите, влечени од коњи, да одат во минатото, токму ова возило може да ги замени успешно."
Засега идејата на градоначалникот Ди Бласио наидува и на голем отпор, бидејќи дел од локалните жители се традиционалисти и сметаат дека токму Кочиите носат фасцинација на градот. Возачите на кочии исто така се против, бидејќи ќе останат без работа. Општо земено 64% од жителите на Њујорк се против промената , а меѓу противниците на градоначалникот е и актерот Лијам Нисон. Тој рече дека идејата е безумна и повика градот да го задржи својот идентитет.
На другата страна сепак се бранителите на животните, меѓу кои е и креаторот на eCarriage. Проектот за создавање на електричната кочија е финансиран од организацијата NYCLASS, која инсистира за благосостојба на животните и особено кон коњите. Нејзините експерти пресметале дека за да се заменат Кочиите треба да бидат изработени 68 машини. Очекувањата се тие да бидат целосно готови до крајот на годината. Дотогаш и градоначалникот треба да донесе конечна одлука.
K.K.