(ВИДЕО) ФРАНЦИЈА И ИТАЛИЈА НА УДАР НА ПОПЛАВИ: Опасно невреме однесе човечки животи
Објавено во: Свет 25 Ноември, 2019
Најмалку пет лица загинаа во невремето што ги погоди францускиот и италијанскиот брег. Поради обилните дождови во Франција одредени патишта се затворени, додека во пораст е нивото на реките во Италија.
Во францускиот регион Вар загинаа четири лица, меѓу кои и повозрасна брачна двојка откако нивниот автомобил бил потопен од надојдената вода.
Во северниот дел на Италија пронајдена е мртва жена во нејзиниот автомобил во надојдената река Бомида.
Спасувачките екипи го пребаруваат теренот по вчерашното уривање на мост во италијанскиот северозападен регион Лигурија во близина на Савона. Поради поплавите и лизгање на земјиштето се урна само еден од двата одвоени коловози на мостот.