Франција не ја сака Брижит Макрон за Прва дама
Објавено во: Свет 09 Август, 2017
Новиот француски претседател Емануел Макрон нема да може да и додели официјална позиција на неговата сопруга Брижит како Прва дама на Франција. Ваквата одлука доаѓа откако се крена јавноста и на петиција против Брижит Макрон се потпишаа над 280 илјади граѓани.
Првичната идеја беше Брижит да биде во официјалниот состав на Владата на Франција слично како што во САД постои долга традиција сопругата на претседателот да биде и Прва дама со специфична политичка агенда.
Сепак, француската јавност не е расположена за такви политички експерименти и напротив ќе се носат нови законски регулативи со кои на членовите на владата ќе им се забрани да вработуваат нивни роднини и блиски на високи функции.
Затоа Брижит Макрон ќе извршува неформална и неплатена служба во нејзините активности на јавната сцена.