ФРАНЦИЈА: 16 Албанци откриени помеѓу елки
Објавено во: Свет 22 Декември, 2014
Француските цариници во местото Дижеп, на северозапад од Франција, откриле 16 државјани на Албанија скриени во камион кој од Полска превезувал новогодишни елки.
Илегалните емигранти, меѓу кои се и двајца малолетници, се обиделе од Дижеп да преминат во Велика Британија, соопштила денеска француската полиција,
„Слепи патници“ се најдени во камион со два возачи од Полска кој минатиот викенд се подготвувал за качување на брод преку Ламанш.
Во текот на рутинската царинска контрола, откриена е групата со 16 Албанци под новогодишните елки.
Возачите и илегалните патници се во притвор , пренесува АФП.