Франција и Шпанија топ локации за купување куќи на Британците

Добивај вести на Viber

И покрај тековните финансиски проблеми во еврозоната, двете топ дестинации за британските купувачи на станови во странство се токму во земјите зафатено од кризата, покажува истражувањето на „HiFX Property Hotspots“. Како што пренесува онлајн изданието „This is Money“,  Франција ја предводи листата, а  23% од потенцијалните купувачи на имот од Обединетото Кралство се насочуваат кон оваа земја. Интересот сепак намалува во последните месеци бидејќи  во март, во истото истражување интерес за имот во Франција имале 35% од Британците. Овој пад е очекуван ако се земе во предвид новиот повисок данок за странските купувачи на станови донесен во Франција. Веднаш по Франција во листата е Шпанија. Според резултатите 19% од потенцијалните британски купувачи сакаат да поседуваат имот во сончевата држава. За споредба, во март нивниот број бил 3%. На трето место се САД со 7%, по што следат од Италија, Кипар, Португалија и Швајцарија. Од Британците кои планираат да купуваат имот во странство во следните години, 28% тврдат дека ќе потрошат помеѓу 50.000 и 100.000 фунти, а 16% имаат намера да инвестираат помеѓу 100.000 и 150.000 фунти. Купувањето во голема мера ќе се финансираат од заштеди, а  43% тврдат дека ќе користат токму оваа опција. 25%  од идните купувачи велат дека ќе треба да продадат стан во Велика Британија, за да се здобијат со својот дом од соништата во странство.