Франција нема да и ги испорача „мистралите“ на Русија

Добивај вести на Viber

Францускиот претседател, Франсоа Оланд, изјавил дека во овој момент нема никакви причини за да се отпочне со испорака на носачи на хеликоптерската класа „мистрал“ на Русија бидејќи како што истакнал не е направен никаков напредок во меѓународните односи. „Повеќе пати говорев дека во моментов нема доволен напредок за да се изврши испорака. Сакам процесот во Минск да биде завршен со што ќе биде исполнет и потребниот протокол“, изјавил Оланд пред новинарите веднаш по самитот на лидерите на ЕУ во Брисел. Бродот со руски морнари кои повеќе месеци се обучуваа за ракување со носачот на хеликоптери од класата „мистрал“ во четвртокот го напуштија француското пристаниште Сан Назар. Дописник на агенцијата „Ројтерс“ директно од таму навел дека бродот „Смолни“ го напуштил пристаништето во Атлантскиот океан и се упатил кон отворено море. Морнарите пристигнале во бродоградилиштето Сан Назар кон крајот на јуни поради следење на обука на првиот носач на хеликоптери „Владивосток“, кој Франција требаше да и го испорача на Русија до крајот на последниот квартал од 2014 година. Тензиите помеѓу Русија и Западот предизвикаа сомнеж дека ќе се реализира договорот вреден 1,2 милијарди евра за испорака на два француски воени бродови за Русија.