Францускиот Лувр се гради во Абу Даби, индискиот Таџ Махал во Дубаи

Добивај вести на Viber

Посетителите на Абу Даби за неколку години ќе може да го посетат најголемиот арапски музеј, бидејќи веќе идната година се очекува да започне изградбата на филијалата на Лувр во Емирати, соопшти СиЕнБиСи. Музејот требаше да проработи во 2013 година, но поради кризата изградбата беше одложена, а според последните најави отворен ќе биде за посетители во 2015 година. Покрај Лувр, Абу Даби планира да изгради уште два музеја „Zayed National Museum“ и познатиот „Guggenheim“ , кои ќе проработат  2016-та и 2017 година. Изградбата на арапскиот Лувр се очекува да започне на почетокот на 2013 година, соопшти Набил ал-Кенди од „Tourism Development & Investment Company“. Музеите, како и огранокот  на Универзитетот од Њујорк, ќе бидат изградени на таканаречениот Остров на среќата, кој се планира да биде културен центар на Абу Даби. Заедно со изградбата на Лувр во Абу Даби ќе тече и изградбата на гигантската  копија на Таџ Махал во Дубаи.  Проектот Таџ Арабија ќе биде три или четири пати поголем од оригиналот и ќе се издигне во градот на чудата Фалкон. Таму се предвидува да бидат изградени реплики и на други светски архитектонски знаменитости, меѓу кои Ајфеловата кула и кулата во Пиза.