Гасификацијата на Македонија со 50 милиони евра во 2021
Објавено во: Економија 18 Март, 2021
Гасификацијата во Македонија во 2021 тргнува со 50 милиони евра, според финансискиот план на АД Национални енергетски ресурси, а поголемиот дел од овие планирани пари претпријатието ќе ги има за целосно национализирање на АД ГА-МА.
АД НЕР има 2,02 милијарди денари за купување на акциите на АД ГА-МА, снабдувачот на природен гас на Македонија, а тоа се парите кои веќе ги има обезбеднеи од Владата. Од Дојче банка и Ерсте банка се обезбедени 747 милиони денари за магистралните гасоводи Штип-Неготино-Битола и Скопје-Тетово-Гостивар. Од Министерството за економија се предвидени 140 милиони денари, а финансиската конструкција се затвора со 250 милиони денари пренесени од ланската година.
Приоритет за АД НЕР, покрај национализацијата на АД ГА-МА, ќе биде изградбата на магистралните гасоводи. Според програмата за 2021, планирано е конечно да биде пуштен во употреба еден магистрален гасовод кај делницата Кавадарци - Неготино и поврзување на приклучоците со првите потрошувачи.
Се очекува во употреба да бидат пуштени и двете делници - Клечовце (Кавадарци) - Неготино и Неготино - Битола, од кои првата порано за што ќе има и дополнителна набавка на природен гас, а другата кон крајот на оваа година. По застојот поради Ковид-19, АД НЕР оваа година смета на забрзано реализирање и на експропријацијата.
Акционерското друштво во стопроцентна сопственост на Владата до крајот на годината смета и дека ќе биде избран оператор на мрежата за приклучување. За интерконекцијата со Грција се очекува Европската инвестициска банка да го одобри финансирањето, односно задолжувањето.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МИЦКОСКИ: Договорена е каматна стапка од 1,95 отсто, до три години грејс период и до 15 години рок на отплата за компаниите
НАЈВИСОКИ ПЛАТИ ВО МАКЕДОНИЈА: Кои сектори се на врвот?
Вицегувернерката Нацевска на состанок на вицегувернерите од Западен Балкан за пристапниот процес кон СЕПА
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
