27 Мај, 2022
0.0203

ГАЗДИТЕ ВИДОА КАКО Е ДА СЕ РАБОТИ ВО НЕДЕЛА, И ВЕДНАШ СЕ ПИШМАНИЈА - ССМ со жестока реакција до Економија што трговските објекти ќе работат во недела во туристичките места

Објавено во: Економија 13 Мај, 2022

Сојузот на синдикатите на Македонија со остра реакција до Министерството за економија, зошто го менува законот со кој трговските објекти на мало ќе смеат да работат во недела. 

„Министерството за економија веќе им овозможи на газдите сами да работат во недела во туристичките места и во трговијата на мало и треба да биде потсетено дека водејќи грижа за работниците и нивните семејства и нивното неприкосновено право на заштита на човековото достоинство и семејни врености, водени од тоа дека работниците и граѓаните може и треба во својство на туристи да ги посетуваат нашите туристички места и да уживаат во нивните убавини, со измената на Законот за трговија и Законот за работни односи, ССМ и другите социјални партнери по пат на социјален дијалог обезбедија најголем број од работниците, вклучително и на работниците во трговијата, да бидат слободни и да не работат во недела, а газдите да работат.

Не смее заради тоа што газдите почувствуваа што значи да се работи во недела да им се ускрати таквото право, и повторно да се дозволи работниците да им работат, а тие да одмараат“, децидни се од ССМ.

Притоа, потсетуваат дека со законските измени, Сојузот на синдикатите на Македонија и социјалните партнери обезбедиле можност специјализираните продавници или киосци во туристичките места под услови со закон да работат, а предвидена е и можноста за работа на моловите, штандови и киосци за време на спортски настани, фестивали, саеми, манифестации и слично, како и предвидена е можноста во продавници за трговија на мало со храна, пијалоци и сл работата да ја вршат лично сопствениците на продавниците.

На овој начин сметаме дека се покриени сите потреби на туристите во туристичките места од аспект на трговските услуги, со тоа што потсетуваме дека овие работници кои ќе бидат ангажирани за работа во недела имаат право на додаток на плата за работа во недела и за празници најмалку во висина од 100 отсто за секој час поминат на работа, како и право на неделен одмор во друг ден од неделата.

Потсетуваме дека ние работниците сме побројни, па нашето незадоволство ќе биде и соодветно изразено“, велат од ССМ.

Сојузот на синдикатите на Македонија како и во случаите на предходните иницијативи од други политички субјекти и во овој случај ќе покрене иницијатива до Собранието за законско решение со кое ќе побара да им се дозволи право на дополнителна работа од 8 часа неделено кои задолжително ќе се одработуваат во недела за функционерите кои размислуваат да поднесат Предлог – Закон за изменување и дополнување на Законот за трговија во делот недела неработен ден.

„Законот за изменување и дополнување на Законот за трговијата беше донесен по пат на социјалниот дијалог и како репрезентативен социјален партнер, ССМ очекува доследно да се почитуваат Законот за трговија и ЗРО вклучително и во делот на законските измени за недела – неработен ден и да не се озаконуваат незаконитостите, а најавениот предлог Закон од Министерството за економија ако е доставен до Собранието тоа е сторено без социјален дијалог и претставува потценување на претставниците на работниците и работниците во целина што е недозволиво!

Од овие причини ССМ и во преговорите бараше оваа материја да се регулира со Законот за работните односи за да се спречи министрите без социјален дијалог и без Економско социјален совет да уназадуваат работнички права и да удоволуваат на газди како во овој случај“, се вели во соопштението опд Сојузот на синдикатите на Македонија. 

Можеби ќе ве интересира

Месната индустрија „предупредува“ на можен драстичен раст на цените на производите

Месната индустрија „предупредува“ на можен драстичен раст на цените на производите

СЕФФ: Вложување во човечки капитал и дигитализација за поголем економски потенцијал

СЕФФ: Вложување во човечки капитал и дигитализација за поголем економски потенцијал

Јордан Николов: Книгата „ОбојОбојОбој“ е мојата книжевна плоча, со раскази како музички секвенции

Јордан Николов: Книгата „ОбојОбојОбој“ е мојата книжевна плоча, со раскази како музички секвенции

Азески: Понудивме мерки до Владата за рационализација на потрошувачката на електрична енергија

Азески: Понудивме мерки до Владата за рационализација на потрошувачката на електрична енергија

Што кога ќе се намалат приходите, особено по одење во пензија?

Што кога ќе се намалат приходите, особено по одење во пензија?

Владата ја ограничи малопродажната цена на шеќерот и го забрани извозот на дрво

Владата ја ограничи малопродажната цена на шеќерот и го забрани извозот на дрво

ПЕНЗИОНЕРИТЕ ЌЕ ДОБИЈАТ „ПОТЕШКИ“ ПЕНЗИИ ЗА 1.000 ДЕНАРИ - од понеделник стартува исплатата

ПЕНЗИОНЕРИТЕ ЌЕ ДОБИЈАТ „ПОТЕШКИ“ ПЕНЗИИ ЗА 1.000 ДЕНАРИ - од понеделник стартува исплатата

ЕСМ не го гаси „Осломеј“, бара 350.000 тони јаглен за термоелектраната

ЕСМ не го гаси „Осломеј“, бара 350.000 тони јаглен за термоелектраната

Криза ли е? Која домашна фирма ја зголеми дивидендата за 17 отсто, а ќе подели и авансна дивиденда?

Криза ли е? Која домашна фирма ја зголеми дивидендата за 17 отсто, а ќе подели и авансна дивиденда?