Добивај вести на Viber
Заменик - шефот на рускиот концерн „Газпром“, Александар Медведев, соопштл дека проектот „Јужен тек“ нема да се реализира. Тој обзнанил дека наместо на овој Русија работи на нов проект чие име би требало да биде дефинирано наскоро.
Медведев појаснил и дека земјата добила понуда од својот партнер, „Турција, идниот проект да го носи името „Турски тек“, пренесува агенцијата „Тасс“.
Рускиот претседател Владимир Путин, на почетокот од месецов за време на својата посета на Турција најави дека Русија се откажува од проектот “Јужен тек” и дека ќе се залага за изградба на гасовод до Турција кој ќе го има истиот капацитет на пропусна моќ од 63 милијарди метри кубни гас, како и гасен центар на грчко-турската граница.
Менаџерот на „Газпром“ истакнал дека оваа година концернот ќе испорача 147 милијарди кубни метри гас, а приходот ќе надмине 50 милијарди долари.
Според него следната година врз извозот на суровините ќе влијаат голем број фактори.