Газпром:„Јужен тек“ ќе и помогне на Европа за излез од кризата

Добивај вести на Viber

Проектот за гасоводот „Јужен тек“ може да и помогне на Европа да се справи со економската криза, ако Газпром добие “транспарентни правила на игра“, изјави заменик директорот на компанијата  Александар Медведев. „Недоразбирањето или поточно кажано воздржаниот однос кон проектот на Газпром, гасоводот „Јужен тек "е благо речено неконструктивно", истакна тој за време на форумот  „Гасот на Русија 2012“, пренесоа руските медиуми. Тој потсети дека конечните инвестициски одлуки за подводниот и копнениот дел на цевките се веќе донесени, а посочи и дека истакна и дека овој проект ќе ги поврзе европските корисници со најголемите руски наоѓалишта на гас. „ Ова ќе ни овозможи да не зависиме од природните катастрофи, техничките проблеми и други случајности. Зголемената побарувачка во студените зими и неодамнешните експлозии на гасоводот од Иран за Турција покажуваат колку е важна поставеноста на гасоводите за да имаме континуирано снабдување“, додаде тој . Медведев истакна дека за Европа денес е многу актуелно да биде претворена во привлечен инвестициски пазар. Според него, Европа, за разлика од САД, е во буџетската криза која веќе тропа на вратата на земјите како Грција, Португалија и Шпанија. „Денеска беше намален кредитниот рејтинг и на Франција, па наместо да се стимулираат капиталните инвестиции, ЕУ го спречува нивниот раст, создавајќи нови и нови бирократски бариери.Владите на различни земји сега ги сметаат инфраструктурните проекти како начин за борба против економската криза.„Јужен тек“"може да се претвори во најголемиот инвестиционен објект за сите земји-учеснички. И тој ќе биде таков", изјави потпретседателот на "Газпром" . Тој потсети дека во Србија и Унгарија проектот веќе се реализира, а во Бугарија изградбата ќе може да почне уште следната година. Медведев истакна и дека некои земји кои првично не сакале да учествуваат, во моментов размислуваат за можноста да се приклучат на гасоводот „За разлика од другите играчи, ние не сакаме субвенции. Ние само бараме да се обезбеди транспарентна конкурентна средина. Почнувајќи од градежништвото, ние се потпираме на фер пристап на властите во ЕУ. Овој приод треба да биде транспарентен и недискриминаторен“, истакна тој.