ГЕРМАНЦИТЕ БАРААТ ШОЛЦ ДА РАСПИШЕ ИЗБОРИ: Дали канцеларот ќе го направи истиот потег како Макрон?
Објавено во: Свет 10 Јуни, 2024 12:05
Копретседателот на десничарската партија Алтернатива за Германија, Алис Вајдел ја повика германската влада да распише предвремени избори поради неуспехот на владејачката коалиција на изборите за Европскиот парламент.
Според прелиминарните резултати објавени на веб-страницата на претседателот на Сојузната изборна комисија, на изборите за Европскиот парламент победи опозицискиот блок ЦДУ/ЦСУ со 30 отсто од гласовите. АфД е на второ место со 15,9 отсто. Социјалдемократите на канцеларот Олаф Шолц освоија само 13,9 отсто, што го покажува најлошиот резултат во историјата на изборите за Европскиот парламент. Во исто време, целата владејачка коалиција доби помалку од една третина од гласовите.
- Сега на Шолц му останува само една задача: да го расчисти патот за предвремени избори, наместо да владее уште една година и покрај огромното мнозинство од населението – напиша Вајдел на социјалната мрежа Икс.
Претходно и шефот на ЦСУ и премиер на Баварија Маркус Зедер директно повика на предвремени избори, а на сличен начин се огласи и раководството на ЦДУ.
Баварскиот премиер Маркус Зедер, од опозициската Христијанско-социјална унија (ЦСУ), во интервју за НТВ повика на одржување предвремени избори во Германија по неуспехот на владејачката коалиција на изборите за Европскиот парламент (ЕП).
- Во суштина, на оваа влада и дојде крајот, а сега треба да биде како во Франција, беше поднесено барање за предвремени избори, а претседателот Макрон ги свика - рече политичарот.
Премиерот на Баварија посочи дека на Германија и треба „ресетирање“.
- Семафорот (колоквијалниот назив за владејачката коалиција) повеќе нема мандат и доверба кај населението, затоа е неопходно што поскоро да се одржат вонредни избори - додаде Зедер.
Слични изјави даде и раководството на Христијанско-демократската унија (ЦДУ), висок партнер на ЦСУ во блокот ЦДУ/ЦСУ.
Фото: Принтскрин/Х
Можеби ќе ве интересира
ЦЕНАТА МУ Е ПОМАЛКУ ОД 5 ЕВРА, НО ОВОЈ ПРОИЗВОД E ЧЕСТА МЕТА НА КРАДЦИТЕ: Ова е причината зошто толку многу го крадат
НЕ ЗАПИРААТ ПРОТЕСТИТЕ ВО ТРУЦИЈА: Дали злосторство на Екрем Имамоглу е тоа што го победи Реџеп Таип Ердоган на изборите?
ВАЖНО ЗА СИТЕ ШТО ИМААТ ВОЗАЧКА ВО НЕКОЈА ЕВРОПСКА ЗЕМЈА: ЕУ ги менува правилата
СКАНДАЛ БЕЗ ПРЕСЕДАН - луѓето на Трамп по грешка ставиле новинар во доверлива група и му откриле детали за воените планови
ПРОМЕНЕТ ИЗГЛЕДОТ НА НАЈМОЌНИОТ ПАСОШ НА СВЕТОТ! Нема веќе фалсификување, еве што ставаат во него
ТРАМП: Постигнавме договор за ретките метали, наскоро ќе го потпишеме
ЗЕЛЕНСКИ ДО ЏЕЈ ДИ ВЕНС: Уште ве чекаме во Украина
(ВИДЕО) УКРАИНЦИТЕ УНИШТИЛЕ РУСКИ ХЕЛИКОПТЕРИ ВО БЕЛГОРОД: Сакаат да му покажат на непријателот дека не е безбеден
ДУРИ 100.000 ЛУЃЕ ГОДИШНО УМИРААТ ПОРАДИ КОРИСТЕЊЕ НА ЛЕКОВИ ПРОТИВ БОЛКА: Предизвикуваат тешка зависност
