Германските туристи се жалат на високите цени во Турција, има и поприфатливи дестинации за нив
Објавено во: Економија 27 Август, 2025 18:25
За германските туристи Грција и Шпанија станале поевтини од Турција, пишуваат германските медиуми. Како што заклучува Франкфуртер Алгемајне, се зборува и дека некои дестинации во Грција или Шпанија во меѓувреме станале поевтини од Турција.
Од почетокот на годинава 28,4 милиони гости ја посетиле Турција и тоа е за 2,1 процент помалку отколку во истиот период лани. Целта за оваа година, според најавите на турските власти е остварување на 65 милиони гости односно приход од 64 милијарди долари.
Цените во услужниот сектор во Турција од неодамна се зголемија за 50 проценти, - што е најмалото зголемување од средината на 2022 година. Но, и овој раст е значаен за зголемувањето на трошоците во турската туристичка економија.
„Поради ова, десетици илјади Турци ги поминаа своите одмори на грчките острови. Земјата сè уште има висока инфлација од 33,5 проценти, каматните стапки се исто така високи, а вистинското зајакнување на курсот на турската лира ја ослабна конкурентноста на турската извозна индустрија“, пишува германскиот весник Франкфуртер Алгемајне Цајтунг
Туризмот е една од најважните економски гранки во Турција, со околу 10 проценти од националниот БДП. Туризмот вработува околу пет проценти од вработените во Турција.
Според Министерството за култура и туризам, 6,97 милиони туристи ја посетиле Турција во текот на јули оваа година. Повеќето од нив биле Германци: 981.000, што е за околу 55.000 помалку од претходната година. По нив следат Русите (954.000), Британците (597.000), Полјаците (329.000) и Холанѓаните (260.000). Ова е за пет проценти помалку отколку во истиот месец во 2024 година.
foto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
Среброто привлекува сè поголемо внимание од купувачите, eве зошто...
Димитриеска-Кочоска: Немам информација дека доцни породилното
