Германско семејство го заборави синот на патување во Хрватска

Добивај вести на Viber

Германци го заборавиле синот во Хрватска.

Во Полициската станица „Славонски Брод“ вчера е пријавено дека е оставен малолетник на простор за одмор покрај главниот пат А3 во Славонски Брод, пишува Н1 Загреб. На местото на настанот пристигнале полициски службеници и се увериле дека навистина е така.  Дознале дека се работи за 17-годишно момче (германски државјанин).

Автомобилот со германски регистарски таблички го управувал таткото (51 година), а во возилото имало уште двајца членови на семејството (мајка и постариот брат, кои спиеле). Таткото излегол во одморалиштето, потоа се вратил во автомобилот и продолжил да вози на запад, во тој момент не знаел дека и момчето излегло, јавува Н1 Загреб. Момчето го оставило мобилниот во возилото, а телефонските броеви на членовите на семејството не ги знаел на памет. Полицајците за настанот веднаш ги известиле останатите полициски патроли за што поскоро да го пронајдат семејството. Тие момчето го пренеле во полициска станица каде преку социјалните мрежи контактирале со членовите на семејството. Таткото во Лужан сфатил дека момчето го нема, по што семејството се вратило и го земало момчето околу 10.50 часот. 

Во 2021 година, турско семејство го заборави своето дете на бензинска пумпа во Србија.