Ги прашавме сточарите за колку ќе го поскапат сирењето
Објавено во: Економија, Агробизнис 22 Август, 2023 07:30
Дел од сточарите веќе информираа преку медиумите дека наскоро ќе поскапе сирењето, затоа што тоа се прави без додатоци, нема работници, но не е за занемарување и фактот дека и сточарството трпи одредени штети поради климатските промени.
Ги прашавме сточарите дали веќе го поскапеле сирењето, ако не се, кога тоа ќе се случи и колку ќе изнесува цената. Производители на сирење од Малешевијата велат дека секој ќе си одлучи по која цена ќе го продава сирењето, но тие размислуваат дали нагло зголемување на цената може да ја намали пробарувачката.
„Секој си знае за себе, за колку пари се исплати да го продава сирењето. Јас ако го покачам, тоа ќе биде во октомври или ноември и тоа за 50 денари по килограм, а сега цената е 500 денари за килограм. Од тоа живееме. Овде во Берово нема некој избор за работа, луѓето или ќе работат со сточарство или ќе заминат во странство“, вели беровчанец.
Друг беровчанец веќе ги продал залихите со сирење и планира идната година да ја зголеми цената.
„Сега цената е 550 денари за килограм. Ќе видиме колку ќе зголемиме, засега не знам точно. Јас имам редовни муштерии, си бараат квалитет и за цената не верувам дека ќе прават проблеми, за другите сточари не знам“, вели Трајче од овој крај.
Ги прашавме за мислење и сточарите од западниот дел на државата дали ќе го поскапат сирењето.
„Јас овците ги продадов, затоа што еден човек не може да се грижи за 150 грла, а овчари тешко се наоѓаат, но како што зборуваат сточарите, сирењето ќе поскапи, а колку ќе биде тоа би требало да се договорат меѓу себе“, рече Садо Мустафовски од Жупа.
Ѓоко Китановски од селото Гари вели дека наскоро сирењето ќе има нова цена.
„Сигурно ќе поскапи, затоа што сè поскапе. По 15 септември веќе нема да има овчо сирење под 600 денари за килограм. Мене најголем дел од купувачите ми се од Скопје“, додава Китановски.
Сточарите од Брегалничкиот регион најавија поскапување на сирењето за 30 отсто, односно од сегашните 500 денари ќе оди и до 700 денари. Како што велат пред пет години во најголемиот сточарски регион во Источна Македонија, Малешевијата, имало 16.000 овци. Сега, како што објаснуваат нивниот број е преполовен и изнесува над 8.000 овци. Податоците покажуваат дека низ годините македонските семејства во просек годишно консумирале нешто над 21 па до 40-тина килограми сирење.
Сања Атанасовскаfoto freepik.com/pch.vector
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
Германската Heidelberg Postpress бара стабилната деловна средина и квалификувани работници - ТИРЗ Скопје и Штип меѓу потенцијалните локации
Инженери на РМ: ВМРО-ДПМНЕ да ја повлече наплатата од 200 денари за пристап до мрежа, како што вети
