Ги преживеал џихадистите преправен како жена
Објавено во: Свет 24 Јануари, 2017
Абу Алави во 2014 година „Исламска држава“ го затекнала како полицаец во градот Хамам Ал Алил во Ирак.
Прво што направиле терористите во Ирак и Сирија било да ги заробуваат полицајците и војниците.
Две и пол години тој бил облечен како жена и така се спасил додека страдале сите негови колеги.
Прво се криел во дупка во неговата бавча, но откако го барале морал да бара други места каде ќе се крие.
„Многу пати беа блиску до мене и ме фаќаше страв“ - вели полицаецот.
Признава дека многу негови колеги се обиделе со истиот метод, но не биле убедливи и џихадистите ги откриле.
Мислел дека и него ќе го фатат и проверат. Полицаецот преку дански активисти од невладина организација стапил во контакт со новинари на кои им ја раскажал својата приказна. Инаку неговиот град порано бил одморалиште познато по термални води.