Главниот инспектор за здравство ја обвини Македонија за ширење на морбили во Бугарија
Објавено во: Македонија 15 Февруари, 2019
Д-р Ангел Кунчев, главниот бугарски инспектор за здравство, во интервју за „Дарик“ наведе дека последната бројка од 21 заболен, меѓу кои 17 деца, се должи на пренесување на морбили од Македонија при контакт во Банско и Разлог.
- Заболувањара се најверојатно при контакт со некој од Македонија, каде што неодамна починаа три деца. Во Банско ни е познат преносителот, додека за Разлог не е познато, но таму има детски оделенија и најверојатно тука се случило заразувањето. Доволно е да се разминете со некој заболен низ ходник и да ја прифатите болеста - рече Кунчев.
Тој верува дека нема да дојде до прогласување на епидемија и дека морбилите ќе се ограничат на инцидентни случаи во градинките, јаслите и училишните оделенија.
Во бугарија процентот на имунизација против морбилите е далеку помал од Македонија.