„ГО ЧЕКАМ ВУЧИЌ ПРЕД СОБРАНИЕТО“: Мајката што трајкува со глад во Србија, му се обрати на српскиот претседател

Добивај вести на Viber

Дијана Хрка, мајката на Стефан, кој почина при уривање на настрешница на железничката станица во Нови Сад, го продолжи штрајкот со глад што го започна на 2 ноември денес и му рече на српскиот претседател Александар Вучиќ, кој ја покани на разговор, дека „го очекува пред српското Собрание“.

Коментирајќи ја изјавата на Вучиќ за Радио и телевизија на Србија дека е подготвен да разговара со неа и дека неговата совест е чиста, Хрка рече дека „не ја поканил директно, туку преку медиумите“ и нагласи дека не размислувала за тоа кој бил мотивот на претседателот да ја покани на разговор по една година.

- Нека размисли, тој е претседател, тој се меша во сè. Ако господинот претседател е подготвен да разговара и ако мисли дека сака да разговара, ќе дојде тука да разговара пред сите луѓе, пред сите медиуми. Ако се плаши дека ќе му скандираат, тоа е негов проблем, а не мој - рече, меѓу другото, Хрка.

За потсетување, Александар Вучиќ објави видео на својот Инстаграм профил во среда вечерта на кое Дијана Хрка скандира навреди кон него со толпата. Видеото можете да го погледнете тука. Вучиќ во таа пригода рече дека е „подготвен да чуе такви елитистички и возвишени пораки бидејќи секој разговор е благороден“.

Дијана Хрка го започна штрајкот со глад денот по годишнината од трагедијата во која беше убиен нејзиниот син и денот по комеморативниот собир во Нови Сад.

Едно од барањата на Дијана Хрка е распишување предвремени парламентарни избори.